Barangay Profile
Barangay VI (Polao)

Part I – Profile / Description of the Barangay

A. Historical Background

            Ang Barangay Polao anaa nahimutang sa habagat nga bahin sa syudad sa Tangub. Ang unang mga tawo nga namuyo sa maong Barangay mao ang netibo nga mga gihinganlan ug sabanos.

            Ilang gitikad ang maong Barangay pinaagi sa pagpamutol ug pasunog sa ga-dagkong kahoy.

            Bahin sa kahimtang sa yuta pulus patag ug dili batoon. Ang Subano kanhi adto nagpalit sa kanilang sud-anon sa sentro sa Tangub. Ang mga Subano kaniadto ang sakyanan paingon sa Centro Tangub mao ang Reis, Balsa ug Karomata. Bahin sa yuta tambuk pa kaayo kay anaa pa man ang gamut-gamot sa kahoy nga maka-ali sa tambuk sa yuta kon mag-ulan. Lubi ra ug mais anng kasagarang produkto sa mga lumulopyo sa maong Barangay sa unang panahon hangtud karon.

            Human sa pipila ka mga katuigan sa pagtikad ug pag-ugmad sa mga Subano miabot ang mga Kastila nga gikan sa kalain-laing dapit sa Visayas ug Mindanao. Ang mga luna nga gitikad sa mga Subano gipalit sa mga kastila ug ang uban niini gibay-luan lang ug sundang, guna, karsones ug uban pang mga butang.

            Kining maong Barangay kaniadtong unang sitio pa lamang sa Barangay Kauswagan ug adto pa gaiskwela ang mga kabataan sa maong Barangay ug ang uban didto sa Centro sa Tangub.

            Kining maong Barangay gibunyagan ug Barangay Polao tungod kay dugay kaayo nawala ang kalayo nga nagagikan sa pagsunog sa mga dagkong kahoy. Naabtan pa ug pipila ka mga bulan ang kalayo.

            Kaniadtong kining maong Barangay sitio pa lamang sa Barangay Kauswagan kaniadtong 1957, samtang kanhi Gobernador Alfonso D. Tan maong nahimong Mayor sa Tangub, ug tungod sa iyang pagpaningkamut nahibulag ang sitio Polao ug nahimong Barrio.

            Ang Barrio Polao mao mahimong sentro sa transportasyon tungod kay ang mga sasakyan nga nagagikan sa Zamboanga del Sur ug Misamis Occ. diri mag-agi.

            Samtang kaniadtong 1968, sa pagkahimong siyudad sa Tangub ang Barrio Polao gibahin sa duha ka Barangay mao ang Barangay VI ug Barangay VII pero kining duha ka Barangay gitawag gihapon ug Barangay Polao.

            Kining maong barangay gibunyagan ug Barangay Polao tungod pud kay samtang ang mga subanos nagbantay sa nag-aso nga maoy pag-abot sa mga Kastila kung unsay ngalan sa maong lugar mao nga ang pagsabot sa mga Subanos gipangutana sa mga kastila kung unsa ang ilang gibuhat, ang gitubag sa mga Subanos mao ang Polawan.

            Ug gibunyagan ang Barangay Polao niadtong 1957 ubus sa pagdumala ni Senyor Teofilo M. Pereyra.

Polao Day Care Center

Polao Function Hall

Polao Health Center

Office of the Polao Brgy Captain

Polao Street Scene

B. Physiographic Profile

1. Location, Area and Access

            Ang Barangay VI anaa nahimutang sa habagatang bahin sa siyudad sa Tangub. Ang kasigpit nga mga Barangay mao kining musunod.

            Sa kasadpang bahin mao ang Santa Cruz sa habagatang bahin mao ang Brgy. Kauswagan dapit sa silangan bahin mao ang Barangay Manga ug Barangay Dimalooc ug dapit sa amihan mao ang Barangay III.

Sa laktod nga pagka estorya ang Barangay Polao gilibutan sa lima ka nagkalain-lain nga barangay.

Kining maong Barangay adunay total land area nga mikabat ug 36.0459 hectares. Kini adunay gilay-on nga 0.9 kilometro gikan sa National Highway paingon sa City Hall.

Kasagaran nga mga sakyanan niining maong Barangay mao ang single motor, motor with side car, jeep, tricycle, tartanilya ug tanang klasing sakyanan sa kadalanan mahi-agi niining maong Barangay. Kung jeep mokabat ang dagan ug 2 minutes paingon sa siyudad. Kung single motor mokabat ang dagan ug 2.5 minuto paingon sa siyudad. Kung tartanilya mokabat ang dagan 15-20 minuto paingon sa siyudad. Kung motor with side car mokabat ang dagan ug 3.5 minutes ang dagan paingon sa siyudad. Kung tricycle mokabat ang dagan ug 20-25 minutes paingon sa siyudad. Kung magbaklay mokabat ang dagan sa oras ug 30-35 minuto paingon sa siyudad.

2. Climate and Rainfall

            Bahin sa klima sa maong barangay gikan sa bulan sa Enero ngadto sa tunga-tunga o mga hinapos sa Mayo kini ting-init. Mayo ngadto sa Nobyembre kini maoy ting-ulan ug ang bulan sa Disyembre maoy ting tugnaw.

3. Physical Topography

Patag ang kinatibuk-ang hulagway sa porma sa yuta sa Barangay.

C. Socio-Economic Profile

1. Population

Barangay Population 2001

Source:   Mrs. Judith Dinawanao Brgy. Secretary

              Atong makita nga sa tuig 2001 ang Brgy. VI, Polao, adunay namuyo nga mikabat ug 729 ka mga tawo diin 331 niini ang mga lalaki ug 398 usab niini ang mga babaye. Kini maong barangay adunay 148 ka bubong nga kini gibahi sa 3 ka purok. Aduna kini 2 ka sitio kaniadto nga mao ang Sitio Kamansilis ug Sitio Alang-alang apan tungod sa mga kakulian ang duha ka mga sitio kaniadto karon isa na lang nga, mao ang Sitio Alang-alang.

2. Age Distribution

Age Distribution 2001

Source:   Mrs. Rebeca BravoBrgy. Nutrition Scholar
 

                Brgy. VI, BHW

                Mrs. Constancia Alquiizar            Mrs. Marlene Estrosas

                Mrs. Dolores Tanupan  Mrs. Felicidad Torres

            Atong makita nga kining maong Barangay nag-una niini ang mga lumulopyo nga nag-edad ngadto sa 0-5 years, gisundan sa 6-10 years ug gisundan usab sa mga pangidaron ug 11-15 years ug nagsunod niini ang mga nagpangidaron ug 21-25 years; ato usab nga makita nga ang labing kinagamyan nga mga lumulupyo niining maong Barangay.

3. Civil Status Distribution

Civil Status 2001

18 years and above

Source:   Mrs. Judith Dinawanao Brgy. Secretary

            Atong makita nga niining maong barangay mas daghan ang mga minyo ikompara sa mga dalaga ug ulitawo nagsunod niini ang mga balo nga aduna lamay 28 ka buok; gisundan sa mga 16 ka buok nga bulag.

4. Dialect spoken at home

5. Religious Distribution

            Sa Barangay VI, adunay upan ka reihiyon diin 133 niini ang Katoliko gisundan sa Mormons nga adunay 6 ka bubong; Sabadisa 7 ka bubong; Iglesia ni Kristo 2 ka bubong apan bisan pa ug ingon niini ang taan-awon kabahin sa pang-relihiiyosong pundok apan nagpabilin gihapon ang kalinaw sa maong Barangay.

Part II – Situational Analysis

Survival Needs

A. Food and Nutrition

            Ang sitwasyon sa mga bata nga bag-ong natawo anaa lamang sa 72% ang timbang nga 5 kilos. Ang mga wala nakaabot ug 5 ka kilo nikabat sa 28%. Bahin sa mga kabataa nga nag edad 0-6 years 90% niini ang normal; ug adunay 10% ang moderate ug adunay 1 ka bata nga malnourished.

B. Health

            Bahin sa sitwasyon sa pagpanganak 10% niini didto nahimugso sa ospital ug 90% ang nahimugso sa balay pinaagi sa hinabang sa mga mananabang. Ang mga bata nga nag-edad ug 0-6 years kini nahatagan ug full immunization. Tanang mga mabdos nga inahan nahatagan ug ayuda sa mga health personnel, ug ingon man usab sa Family Planning. Ang mga inahan nga mahatagan ug 2 ka dosena kabahin sa tetanus toxoid.

C. Water and Sanitation

            Bahin sa sitwasyon sa tubig sa maong barangay 100% niini nga ang distansiya 50 meters gikan sa ilang atabay. Bahin sa kasilyas sa mga miembro sa maong barangay, 85% niini water sealed; 10% ang dili water sealed; 5% ang mga walay kaselyas.

D. Clothing

            Bahin sa sitwasyon sa panapot sa mga miembro nga adunay 7 ka nagka-lain laing sapot.

Security Needs

E. Shelter

            Kabahin sa sitwasyon sa mga pinoy-anan sa mga lumulupyo niining maong barangay 100% maka abot ug lima ka tuig.

F. Peace and Order

            Bahin sa kahusay ug kalinaw niining maong barangay bisan pa man ug adunay ginagmay nga kawat ug patay apan bisan pa niini kining maong barangay sa pagkakaron nag-pabilin ang kalinaw ug kahusay.

G. Income and Imployment

            Bahin sa tinubdan sa panginabuhi sa mga lumulupyo niining maong barangay 30% ang anaa nagtrabaho sa gobyerno, 30% ang anaa sa Private, 20% usab niini ang mga mag-uuma ug 20% usab niini ang mga walay permanenteng trabaho.

Enabling Needs

H. Basic Education Literacy

            Bahin sa sitwasyon sa mga kabataan nga nag-edad ug 3-5 years adunay 25% or adunay 11 ka mga bata ang nag-eskwela sa Day Care samtang 5 ka buok atu nag-eskwela sa Day Care sa Brgy.VII ug adunay 4 ka buok Day Care nga anaa sa Private. Adunay 97 ka mga bata nga nag-edad ug 6-12; 95 kanila ang nag-eskwela sa elementarya ug 2 usab ang wala nag eskwela sa Elem. Adunay 55 ka mga bata ang nag-edad ug 13-16 years 50 niini ang nag-eskwela sa High School, 5 ang wala.

            Kabahin sa kahibalo sa pagbasa ug pagsulat 98% ang maka-basa ug makasulat, 2% ang dili maka basa ug maka-sulat.

I. People Participation

            Panahon sa Election ang mga miembro niining Barangay 90% ang makabutar ug adunay 5% ang dili na makabutar tungod sa rason nga dili na sila makahimo sa pag-adto sa presinto tungod sa hataas na ang pangidaron, ug adunay 5% usab ang wala maka butar tungod kay atua sa laing lugar wala ka-uli panahon sa election.

J. Family Care / Psychosocial

            Niining barangay, kasagaran sa mga pamilya malinawon ug mapinanggaon sa mga sakop sa banay. Hinuon adunay pipila nga mga palahubog apan dili man sila mamun-og sa ilang mga anak ug asawa wala kaayoy nahitabo nga mga kastigo sa mga anak ug pagpasagad sa mga obligasyon nga gikinahanglan sa pamilya.