Barangay Tugas
Barangay Profile

Part 1 – Profile / Description of the Barangay

A. Historical Background

            Matud pa sa unang panahon. Ang ngalan niining baryoha mao ang Patay Manok.Ginganlan kini ug patay manok tungod kay kining dapita wala gayoy tuig ug lisod ang pagkuha niini. Sa nagkadaiyang hayop nga masala-ag niining dapita labi na ang manok ihalas nga labing talagsa-on kini dili na makapag-uli sa gikikanan ug kini usab mamatay tungod sa uhaw. Busa ang manok maoy gikuha nga ngalan sa baryo. Mao na nga namugna ang ngalan sa baryo nga Patay Manok.Wala kaayoy mamuyo niining dapita tungod sa sitwasyon nga ang tubig maoy usa sa pinakaimportanteng gikinahanglan sa tawo. Tungod kay gamay ra ang populasyon sa patay manok gihimo na lang kining sitio sa Sumirap. Ug wala moangay si kanhi Alfonso D.Tan. Busa pinaagi sa Republic Act 3590 kini nahimong baryo ug giilisdan sa ngalan nga Tugas. Tungod kay kining baryoha kaniadto daghan man kaayong kahot nga Tugas. Hangtod karon ma kini ang ngalan sa baryo Tugas.

B. Physiographic Profile

1. Location, Area and Access

            Ang barangay Tugas adunay 3 ka kilometro nga gilay-on gikan sa National Highway, ug ang kasikbit nga barangay mao ang Barangay Dapagan sa ubos nga bahin mao ang Barangay Bagumbang ug Sumirap. Sa ibabaw nga bahin mao ang Barangay Guinabot ug San Vicente. Busa karon ang Barangay Tugas natung-an sa Barangay Sumirap, Guinabot, San Vicente, Dapagan ug Bagumbang.

            Sa laing adunay gilay-on nga 14.5 kilometers gikan sa siyudad padulong sa Tugas diin makuha kini ug 25 minuto nga dagan sa single motor. Kon truck pasahero-an gikan sa highway makuha kini ug 30 minutes. Kon sakyan sa single motor padulong sa highway makuha lamang sa 10 minuto kining maong barangay adunay total land area nga 293.7590 hectares.

2. Climates and Rainfall

Bahin sa klima sa barangay, panahon sa bulan sa Pebrero hangtud sa Abril mao ang ting-init, samtang ang bulan sa Mayo hangtud sa Disyembre mao ang kasagaran nga ting-ulan ug ting-tug-naw.

3. Physical Topography

Kining Barangay Tugas dili nato matawag nga bungtod kaayo kay sanglit haduol man kini sa national highway sa kinati buk-an nga bahin may hinayhay man kini nga hulagway / porma sa yuta.

C. Socio-Economic Profile

1. Population

Barangay Tugas CY-2001
 

Atong makita sa tuig 2001, ang barangay Tugas adunay namuyo nga mikabat sa 737 ka mga tawo diin niini 377 ka mga lalaki ug 360 ka mga babaye. Kini gilangkoban ug 133 ka bubong nga gibahin bahin sa 7 ka purok. Kining barangaya nahimong sitio sa Sumirap pero karon gihimo na kining barangay.

2. Age Distribution

Age Distrib0utionCY-201
 

Source: Barangay Secretary

Atong makita sa Barangay Tugas nga ang kinadaghanan mao ang nagpangidaron ug 0-5 years old nga mikabat ngadto sa 129 ka buok lakip na ang lalaki ug babaye niini, ug gisigundahan kini sa nagpangidaron ug 16-20 years old nga mikabat sa 105 ka buok lalaki ug babaye.

3. Civil Status Distribution

Civil Status Distribution

(18 yrs. & above)

CY-2001

 Source: Barangay Secretary

Ang barangay Tugas adunay 224 minyo ug adunay balo nga 3 ka buok lalaki ug 13 ka buok babaye.

4. Dialect Spoken at home

            Ang Barangay Tugas ang naandan nga pinulongan mao ang bisaya, kining pulonga maoy madaling malitok sa mga tawo.

5.   Religion
 

Part II – Situational Analysis

Survival Needs

A. Food and Nutrition

1. Birth weight of new born at least 2.5 kilos (5.5 lbs.)

            Ang sitwasyon sa mga bata nga bag-ong natawo 90% niini ang insakto nga timbang ug 10% niini ang kulang sa timbang.

2. No severely and moderately under weight children

            Ang kabahin sa mga bata nga kulang sa timabang kadtong nag-edad sa 0-6 years old diin niini 15% ang kulang sa timbang ug 85% ang insakto sa timbang.

3. Pregnant and lactating mothers provided with iron and iodine supplements

            Bahin sa mga inahan nga nagmabdos 90% niini ang nahatagan ug iron and iodine supplements 10% niini ang wala makadawat sa maong vitamins tungod sa walay pagkabana sa ilang kaugaingon.

4. Infants exclusively breastfeed for at least 4 months

            Ang bahin sa mga bata nga bag-ong nangatawo kini 99% ang gipasuso sa inahan ug 1% ang wala makasuso sa inahan.

B. Health

5. All deliveries by trained midwife personnel

            Ang kabahin sa inahan nga manganak kini pinaagi sa hilot o traditional midwife.

6. Full immunization of 0-1 years old

            Ang bahin sa mga bata 99% niini ang nahatagan sa full immunization ug 1% ang wala mahatagi.

7. All pregnant women given 2 doses of tetanus toxoid

            Ang kabahin sa mga inahan nga namabdos 100% ang nahatagan sa 2 doses of tetanus toxoid.

8. Not more than 1 diarrhea episode per child below 5 years old

            Ang kabahin sa mga bata nga nag-edad sa lima ka tuig paubos 5% niini miagig sakit nga diarrhea ug 95% ang wala.

9. No death due to preventable causes

            Walay nahitabo sa maong barangay.

10. Couples with access to family planning

            Ang bahin sa mga ginikanan 80% ang nahatagan sa pagpasabot bahin sa family planning ug 20% ang wala.

11. Couples practicing family planning

            Ang bahin sa practicing sa family planning 85% niini ang nahatagan sa pagtulon-an ug 15% ang wala.

12. Solo parents availing of health services

            Kasagaran nahatagan sa health services

C. Water and Sanitation

13. Access to potable water (250 meters or 10 minutes walk)

            Sa sitwasyon sa tubig sa maong barangay, layu-layo gyud ang tinubdan, mulakaw pa ang mga lumulupyo ug 2 ka kilometro.

14. Access to sanitary toilets (water-sealed, antipolo, flushed)

            Bahin sa kasilyas 5% niini ang water-sealed 90% antipolo ug 5% walay kasilyas.

Security Needs

D. Basic Clothing (at least 3 sets of external and internal)

15. Ang kabahin sa mga sapot sa mga miembro sa maong barangay 100% niini ang panglakaw ug pangsimba.

E. Shelter

16. House owned, rented or shared

            Bahin sa ilang mga balay o pinuy-anan 100% niini ang ilang kaugalingon.

17. Housing durable for at least 5 years

            Bahin sa mga balay o pinuy-anan 99% ang makaabot sa lima ka tuig ug 1% niini ang dili maka-abot.

F. Peace and Order

18. No family member victimized by crime against person (rape, physical, injury, murder)

            Bahin sa lumulupyo sa maong barangay walay nalambigit sa mga krimen nga nahisgutan sa unahan.

19. No family member victimized by crime against property theft

            Bahin sa lumulupyo sa maong barangay adunay na-biktima kabahin sa krimen sa kabutangan.

20. No family member displaced by disaster

            Bahin sa lumulopyo sa maong barangay walay mga pamilya nahitabu-an.

21. No family member victimized by armed conflict

            Ang mga lumulopyo sa maong barangay adunay na-biktima o na-samok nga pinaagi sa armas.

G. Income and Employment

22. Head of family employed

            Bahin sa mga miembro sa maong barangay ang ubang empleyado sa gobyerno ug aduna usay mag-uuma ug adunay 10% nga nag-edad ug 18 pataas nga nanarbaho sa ubang lugar.

23. Other employed family member 15 years old and above

            Bahin sa family member nga nag-edad ug 15 pataas ang nag-eskwela adunay 70% niini ug uban wala kay nanarbaho sa lain-laing lugar.

24. Family income above subsistence threshold level

            Ang mga lumulupyo sa maong barangay kasagaran nga ma-income pinaagi sa mag-uuma, negosyante ug empleyado.

Enabling Needs

H. Basic Education and Literacy

25. Children ages 3-5 attending Day Care

            Ang bahin sa sitwasyon sa mga kabataan nga nag-edad sa 3-5 years old adunay 68 ka buok ug ang nag-eskwela ug Day Care adunay 8 ka buok.

26. Children ages 6-12 attending Elementary education

            Ang bahin sa mga bata nga nag-edad sa 6-12 years old adunay 122 ka buok ug ang nag-eskwela sa elementary adunay 192 ka buok.

27. Children ages 13-16 attending High School education

            Ang bahin sa mga bata nga nag-edad ug 13-16 adunay 89 ka buok ug adunay 30 ka buok ang nag-eskwela sa High School.

28. Children ages 10 and above able to read and write and do simple calculation

            Ang bahin sa mga bata nga nag-edad ug 10 pataas adunay 90% ang makabalong mobasa ug musulat.

I. People’s Particiaption

29. Involvement in at least IPO or Community Development Affairs

            Ang mga katawhan sa maong barangay 99% niini miapil sa mga kalihukan sa barangay ug sa siyudad.

30. Member able to vote during election

            Kasagaran ang mga miembro sa maong barangay ang makabotar.

J. Family Care and Psychosocial Needs

31. Children 18 years old below not engaged in hazardous occupation

            Ang mga kabataan nga nag-edad ug 18 paubos wala malambigit sa mga lisod nga pagpanarbaho kay ang uban nagpadayon sa pag-eskwela ug ang uban motabang sa mga ginikanan sa mga buluhaton ilabi na sa pang-uma ug uban pa.

32. No incidence of domestic violence

            Ang mga kabataan walay malambigit sa mga kaso nga ingon niini.

33. No child below 7 years old left un-attended

            Ang bahin sa mga bata nga nag-edad sa 7 years old kini wala mapasagdi sa mga ginikanan apan ang uban wala mahatagi ug pagtagad tungod sa ilang kawad-on o kapit-os sa panginabuhi.