Barangay Profile
Barangay Silangit

Part 1 – Profile/Description of the Barangay

A. Historical Backgound

            Ang Barangay Silangit anaa nahimutang sa kasadpang bahin sa Siyudad sa Tangub. Kining maong Barangay gitikad sa mga Subano ubos sa pagdumala ni Timoy Baluran. Nindot tan-awon ang palibot ug klaro kaayong tan-awon ang Panguil Bay ug ang sumpay nga kadagatan kon adto kita mobarog ug molantaw sa kinatas-sng bungtod sa among Barangay.

            Bahin sa kahimtang sa yuta gamay ra ang patag ug kasagaran hanayhay ug bakilid. Ug ang ubang bahin niini baton. Ang mga Subano kanhi adto magpalit sa ilang sudanon sa Barangay Pangabuan. Ug anha sila mag-agi sa kinatas-ang bungtod sa maong Barangay nga gingalan sa sinugdan ug hangtod karon ug bungtod sa ka Bodoy. Ang mga Subano kanhi makapugas katulo sa usa ka tuig dali ra man muabot ang ulan tungod kay daghan pang kakahuyan. Bahin sa yuta tambok pa kaayo kay anna pa man ang gamut-gamot sa kahoy nga makaali sa tambok nga yuta kon mag-ulan. Humay ug Maes ang kasagarang produkto sa maong Barangay sa unang panahon.

            Huma sa pipila ka mga katuigan ang pagtikad ug pag-uma sa mga subano miabot ang Kristiyano nga gikan sa nagkalain-laing dapit sa Visayas ug Mindanao. Ug ang mga luna nga gitikad sa mga Subano gipalit sa mga Kristiyanos ug ang uban niini gibayloan ug sundang, guna., tabako, ug uban pang mga butang.

            Sa dihang nagkadaghan na mga Kristiyanos ang mga Subano miadto sa nag kalain-laing dapit palayo sa maong Barangay. Ug kining maong Barangay sitio pa sa Barangay Bintana ug adto pa mag eskwela and mga Kabataan sa maong Barangay.

            Ug kining maong Barangay gibunyagan ug Barangay Silangit sa mga Kristiyanos tungod kay kon adunay makatungas nga mga bisita nga magagikan sa nagkalain-laing lugar kini inig tungtong nila sa mahabog nga bungtod sa ka Bodoy sila magkanayon nga haduol na sa langit. Ug gibunyag ug Barangay Silangit madtong 1928. Sumala sa Acta Republika No. 2370 nga maong kalig-onan ug sakaranan sa pagka Barangay Silangit. Diha ubos sa pagdumala ni Tinyente Plabio Ricaforte.

1. PLAVIO RICAFORTE

1928, SI PLAVIO RICAFORTE NAGDUMALA SA BARANGAY ISIP TINYENTE DEL BARRIO. SIYA NAGDUMALA SA WALA PA MAHITABO ANG GUBAT NIADTONG 1944, UG HANGTOD MIABOT ANG KALINAW SIYA GIHAPON ANG NAGDUMALA. NA-ONDANG ANG IYANG PAGDUMALA NIADTONG TUIG 1955.

2. SEVERINO RUNDINA

1956. SI SEVERINO RUNDINA ANG MING POLI SA PAGKA TENYENTE DEL BARRIO. NAPILI SIYA PINAAGI SA VOTING POWER SA PAGTAAS SA TOONG KAMOT. MING LINGKOD SIYA SA POSITION PANAHON NI PRESIDENTE RAMON MAGSAYSAY. NAG-ALAGAD SIYA SOLO SA TUIG 1958.

3. FERNANDO PATALINGHUG

1959 NGADTO SA TUIG 1961, ANG GIDOGAYON SA IYANG PAGSERBISYO. NAG-ANTOS SI FERNANDO  PATALINGHUG BISAN PAMAN WALAY HONORARUIM, IYANG GIPALABI ANG PAGDUMALA SA MGA KATAWHAN.

4. OLIGARIO ROSALES

1962-1973, SI OLIGARIO ROSALES NAGMALAMPOSON SIYA SA IYANG PANGALAGAD TUNGOD KAYNAPATUNHAY ANG KAHUSAY UG KALINAW SA BARANGAY. SIYA ANG KATAPUSAN NGA GITAWAG OG TENYENTE DEL BARRIO - TAWAG NGA NASUNOD SA MGA KASTILA.

5. CASTILO DAPAT

1972, NAGPROKLEMAR ANG ELECTION NIADTONG DECEMBER 1974 PINAAGI SA PAGSULAT SA NGALAN NGA ANGAYAN IBUTANG SA POSISYON. SI CASTILO DAPAT. ANG NAPILI SA PAGKAKAPITAN OG MAHIGAYON SA IYANG PAG-TAKE-OATH OF OFFICER NIADTONG ENERO 19, 1974. SULOD LAMANG SA USA KA TUIG ANG IYANG SERBISYO.

6. OLIGARIO ROSALES

1975, NINGBALIK NAUSAB SI OLIGARIO ROSALES SA PAG-PANGATONGDANAN ISIP BRGY. KAPITAN SIYA NANODLO OG NAGAWHAG SA PAGPANANOM OG PAGKUGI ARON MAGMALAMBO-ON ANG BARANGAY OG SA SUNOD NGA KATUIGAN SIYA NAHUNONG NIADTONG TUIG SA 1976.

7. GODOFREDO RICAFORTE

1977, SI GODOFREDO RICAFORTE NAGLINGKOD SA BRGY. PINAAGI SA APPOINTMENT  OG NAHITABO NGA NAGTOLOD-TOLOD KON KINSA ANG MOPOLI KAY MALISOF ANG PAGDALA SA MGA KATAWHAN, APA SIYA NAKALAHUTAY SULOD SA USA KA TUIG.

8. POMPOSA S. LINGANAY

1978 – 2002, SA UNANG PANAHON WALA PA TAGA-I OG KATUNGOD ANG MGA OPISYALES OB BAHIN-BAHIN SA PROYEKTO APAN PAG-ABOT SA TUIG 1991 MINGLOGWA ANG REPUBLIC ACT 7160 LOCAL GOVERNMENT CODE SERIES 1991 ATTESTED BY CONGRESSMAN AQUILINO PEMINTEL GIHATAGAN NAGKATUNGOD ANG MAG OPISYALES SA PAGBAHIN-BAHIN SA MGA PROYEKTO SA BARANGAY MAHINONDANON NGA NAOMOL ANG PAGBUHAT SA 5-YEAR DEVELOPMENT PLAN.

CHAIRWOMAN POMPOSA S. LINGANAY, SA IYANG PAGPDAYON SA PAG-ALGAD SA KATAWHAN SA BARANAGAY SILANGIT, TANGUB CITY NAKITA NIYA ANG DAKO PA KAAYO NGA KAKULANGON UG KINI IYANG GIHIMO ANG PAGBABAROG SA BRGY. HALL, BRGY.COURT, BRGY. OFFICE,DAY CARE CENTER, FENCING SA BRGY. HALL, MARKET ATALL, BRGY. HIGH SCHOOL BUILDING . PAGSEMENTO SA PINAKASUBIDAHONG DALAN, EXTENTION SA SUGA , SILANGIT TO SAN VICENTE . MAO KINI ANG PINAKDAKO NGA BILI SA INFRA SECTOR NGA IYANG GI-ALAGARAN PANAHON SA IYANG PAGLINGKOD.

9. FELIMON R. CAMBERIHAN

            2002, SI HON. FELIMON R. CAMBERIHAN ANG PUNONG BARANGAY NGA NAPULI SA DAPIT SA PAGKAAMAHANON SA BARANGAY. TOOD MAN IYANG GIAMOMA OG GIPANGGA ANG IYANG MGA ANAK NGA MAO ANG BARANGAY PINA-AGI SA PAGTABANG SA INDIGENOUS FAMILY KON SILA MAGMASAKITON NGA MADALA SA TAMBALANAN OG TUNGOD NIINI NA HIMOGSO ANG IYANG PROGRAMA SA SSF OG IYA KINING GIBONYAGAN OG SOCIAL SECURITY FUND.

Silangit Elementary School

B. Physiographic Profile

1. Location, Area and Access

            Ang Barangay Silangit anaa nahimutang dapit sa kasadpang bahin sa Syudad, ang kasigpit nga mga Barangay mao ang Barangay Guinalaban dapit sa silangang bahin, Barangay Paiton dapit sa bukid, Barangay Panalsalan nga anaa nahimutang dapit sa kadagatan, Barangay San Vicente nga anaa dapit sa kasadpang bahin ug Barangay Guinabot ug Barangay Simasay. Sa laktod nga pagkasulti kini gilibutan sa unom ka nag-kalain-laing Barangay.

            Kining maong Barangay adunay total land area nga 496,1828 hectares ug kini adunay gilay-on nga gikan sa National Highway nga 4.2 kilometers. Samtang gikan sa Syudad adunay gilay-on nga 13.10 ka kilometro. Kinign maong Barangay kasagarang sakyanan kay mao ang motor single ug anaay talagsaong Jeep pasahiroan. Kon single motor kini mukabat ang dagan ug 20 minutes apan kon Jeep pasahiruan kini mukabat ang dagan ug 30 minutes.

2. Climates and Rainfall

Bahin sa klima sa maong Barangay gikan sa bulan sa Enero ngadto sa bulan sa Marso kini ting-init, gikan sa Abril ngadto sa bulan sa Nobyembre kini maoy ting-ulan, ug ang bulan sa December maoy bulan nga ting-tugnaw.

3. Physical Topography

            Bahin sa hulagway sa tibuok Barangay Silangit, kini atong nakita nga ang yuta hanayhay ug bakilid. Gibana-bana nga adunay 40% bakilid, 60% hanayhay og ubang bahin patag.

C. Socio-Economic Profile

1. Population

Barangay Silangit
CY-2001

Source: Barangay Secretary

Base sa record, ang Purok I anaay pinakadaghan nga lumulpyo nga moakab-ot ug 177 ka buok, 87 ka lalake ug 90 ka mga babaye. Kini 17.97% sa total barangay population. Kini usab adunay 23 ka household.

2. Age Distribution

Age Distribution
CY-2001

Source: Barangay Secretary

Ang record nag-tog-an nga ang nag-edad ug 6-10 years old anaay pinaka-daghan nga mga miembro. Kini mingkabat ug 143 ka buok. Base sa porsyento mingkabat ug 14.51 sa total barangay population.

3. Civil Status Distribution

Civil Status Distribution

(18 yrs. & above)

CY-2001

 Source: Barangay Secretary

Base sa nahan-ay nga records, ang minyo maoy pinakadaghan ug miembro nga mingkabat ug 347 ka buok. 180 ka lalake ug 167 ka babaye. Kini 62.41% sa total barangay population nga nag-edad ug 18 pataas.

4. Dialect Spoken at home: Cebuano

            Kasagaran sa mga pinolongan nga gigamit sa mga lumulopyo mao ang Cebuano.

5.   Religion

Source: Barangay Secretary

Base sa records, ang Katoliko anaay pinakadaghan nga magtotoo nga mokabat ug 137 ka bubong. Kini 77.40% sa total barangay households.

Part II – Situational Analysis

Survival Needs

A. Food and Nutrition

            Ang sitwasyon sa mga bata nga bag-o natawo 50% niini ang timbang 5 kilos, ug bahin sa timbang sa mga Kabataan nga 0 to 6 years 60% niini normal ang timbang ug 20% niini severe ug 20% and moderately malnourished. Ug bahin sa mga mabdos nga mga inahan 90% nga nahatagan ug iron ug iodine, ug 100% niini mga inahan nga nahatagan ug Vitamins. Bahin sa mga inahan 100% niini nga nag-breast feeding.

B. Health

            Bahin sa sitwasyon sa pagpanganak sa mga inahan trained hilot and mananabang. Ang mga bata nga nag-edad ug 0 to 6 years kini nahatagan ug full immunization. Tanang mga mabdos nga inahan nahatagan ug 2 doses of tetanus toxoid 50% sa mga inahan nahatagan usab sila sa mga ayuda sama sa lectures og mga supplies.

C. Water and Sanitation

            Bahin sa sitwasyon sa tubig sa maong barangay, 60% niini 250 meters mao ang gilay-on gikan sa ilang pinoy-ana padulong sa ilang atabay 4-% niini 1 kilometer. Bahin sa kaselyas sa mga miembro sa maong barangay 50% niini water sealed ug 30% and dili water sealed 20% niini walay kasilyas.

Security Needs

D. Clothing

            Bahin sa sitwasyon sa panapot sa mga miembro 100% niini anaay nag-lain-laing klase sa sapot.

Security Needs

E. Shelter

            Bahin sa sitwasyon sa mga pinoy-anan sa mga miembro sa maong barangay 90% niini ang makaabot ug lima ka tuig ug 10% and dili makaabot ug lima ka tuig. 100% nga ilang kaugalingong pinoy-anan.

F. Peace and Order

            Bahin sa kahusay ug kalinaw sa maong barangay kini adunay ginagmay’ng kawat-kawat. Ug sa laing bahin nagkasinabtanay ang mga lumulopyo sa maong barangay.

G. Income and Employment

            Bahin sa income sa mga miyembro sa maong barangay 80% ang mga mag-uuma ug 10% lamang ang empleyado sa gobyerno ug adunay 10% nga nanarbaho sa nag-kalain-laing trabahuan.

Enabling Needs

H. Basic Education and Literacy

Bahin sa sitwasyon sa mga kabataan nga nag-edad ug 3-5 years adunay 32 ka mga bata ang nag-eskwela ug Day Care. Ug 85 ka buok ang wala nag-eskwela. Ug ang 6-12 years old adunay 218 ka mga bata nga nag-eskwela sa mga elementary, ug ang 13 to 16 years old 40 ka buok ang nag-eskwela ug High School. Ug bahin sa kahibalo sa lumulupyo sa maong Barangay 90% niini ang makabasa ug makasulat. Ug 10% ang dili makabasa ug makasaulat.

I. People’s Particiaption

            Bahin sa sitwasyon sa mga meimbro sa maong Barangay, panahon sa election 90% niini makabutar ug 10% lang kasagaran nga dili makabutar.

J. Family Care and Psycho-Social Needs

            Bahin sa pag-alagad sa pamilya, 60% ang mga ginikanan nga makapa-edukar ug makahatag ug saktong disiplina ngadto sa ilang mga kaanakan. Ug 40% niini ang mga ginikanan nga nasubay sa mga hiwi nga mga pamaagi tungod kay naapil sa mga bisyo ug barkada ug nalimtan ang ilang obligasyon nga pagmahal ngadto sa ilang mga anak nga masubay sa insaktong dalan.