Barangay Santa Maria
Barangay Profile

 
Part I – Profile / Description of the Barangay

A. Historical Background

            Sa wala pa ang ikaduhang gubat sa kalibutan, kining Barangay Sta. Maria gi-okupar sa mga Subanon. Ang mga inila ug tinahud nga mga Timoai dinhi niining maong dapit mao sila si Labinay ug si Baga. Kini si Baga, mahiligon kaayo sa kalingawan sama sa “tabo-tabo”. Hilabihan ka-bibo kining maong dapit. Ang mga tawo sa silangang dapit imbitahon ni Baga alang sa usa ka “tabo-tabo” diin malingaw sila sa “sabong” sa mga manok. Ang mga tawo kon pangutan-on asa sila paingon, mu-ingon dayon nga moadto sila sa ilang Baga kay adunay “tabo-tabo”. Kining dapita kaniadto wala pa kini’y ngalan sanglit nahisakop pa man kini sa Labinay.

            Sa tuig 1926, sa pag-singabot sa mga Kristyanos nga kadaghanan gikan sa Sugbo, mihinay-hinay usab ug panghiklin ang mga Suban-on. Niining maong tuig, gibaligya ni Baga ang kinatibuk-ang lugar ngadto nila ni Juan Abadies ug ni Pastor (Titoy) Ocampos. Gikan niadtong panahuna gitawag na kini sa mga tawo ug Baga. Sa dihang namunuan sa syudad sa Tangub si Mateo Engracia, kining maong dapit iyang gihinganlan ug Baga pahinungod niadtong Timo-ai nga si Baga nga maoy unang nag-ugmad sa maong dapit.

            Ubos sa pamunuan ni Hon. Alfonso D. Tan, Mayor sa Tangub, ang ngalan nga Baga iyang gihimoan ug resolusyon nga paga-usbon ang ngalan nga Baga ug ilisan sa ngalan nga Sta. Maria. Gikan usab niadtong panahona ang Baga nga iyang giilisan sa ngalan nga Sta. Maria, iyang gikutayan ug mga pa-tubig (faucet) gikan sa Banglay agi sa Capalaran ug Villaba aron mahatagan ug tubig kining maong dapit sanglit ang ngalan kuno nga Baga init pa kuno kaayo nga paminawon. Kalooy sa Dios, may tubig na ang Sta. Maria apan panahon lamang sa ting-ulan.

Sta. Maria Multipurpose Hall

Sta. Maria Central School

Sta. Maria Health Center

Local Scenes

B. Physiographic Profile

1. Location, Area and Access

Ang Barangay Sta. Maria atong makita diha sa kinatumyang kasadpang bahin sa siyudad sa Tangub. Adunay 3.9 kilometers ang gilay-on gikan sa Sentro sa Tangub. Ang barangay adunay 227.8794 ka ektarya. Ang sagad sakyan sa pagkakaron ang gitawag nga “habal-habal”, motor single ug 15 minutos kapin kulang ang biyahe usa moabot sa syudad.

2. Climates and Rainfall

Bahin sa klima sa maong barangay gikan sa bulan sa Enero ngadto sa bulan sa Marso ang ting-init, gikan sa bulan sa Abril ngadto sa Nombyembre maoy ting-ulan. Ug bulan sa Disyembre ang ting-tugnaw.

3. Physical Topography

            Ang Barangay Sta. Maria, patag, adunay pipila ka dapit nga bato-on ug gagmay’ng bakilid. Ug ang maong dapit adunay 3/4% nga patag, 1/8% nga bakilid ug 1/8% ang hanayhay.

Barangay Health Center

Santa Maria Elementary School

C. Socio-Economic Profile

1. Population

Barangay Sta. Maria

2001

            Atong makita sa itaas ning maong data, ang babaye ang nag-una sa gidaghanon kompara sa lalaki. Ang babaye mikabat kini ug 665 ug ang lalaki usab 611 lamang. Ang tanan mikabat ug 1,276 sa tibuok barangay.

            Ang kinatibuk-ang lugar ning maong Barangay Sta. Maria adunay 276 ka mga bubong diin gibahin-bahin sa 7 ka mga Purok.

2. Age Distribution

Age Distribution

CY-2001

Source: Barangay Health Worker

3. Civil Status Distribution

Civil Status Distribution

(18 yrs. & above)

CY-2001

Source: Barangay Health Worker

            Ang mga single babaye ug lalaki mikabat kini ug 225, sundan usab sa mga minyo nga babaye ug lalaki, mikabat usab kini ug 356 ka buok. Ug ang pinakaubos niini sa gidaghanon mao ang separated adunay 8 ka buok lamang. Ug sagad niini minor nga edad dili pa mamahimong ipakasal sa matag usa niini.

4. Dialect spoken at home

            Ang Barangay Sta. Maria sagad nga pinolungang gigamit ang Cebuano (90%) ug adunay pipila ka Bol-anon, Subanon ug Ilonggo niini.

5. Religious Distribution

Catholic Chapel

Part II – Situational Analysis

Survival Needs

A. Food and Nutrition

            Sa tuig 2001 adunay mga bata nga bag-ong natawo nga nagtimbang kini ug 2.5 kilos. Ug sa pagkakaron wala nay mga bata nga nagtimbang ubos sa normal. Walay mga bag-ong natawo nga severe. Ug adunay 5 ka buok mga bata nga moderate. Adunay mga nanay nga 17 ka buok lactating mothers ug kining maong mga nanay nahatagan ug iron and iodine supplements kay kompleto sila sa pre-natal.

B. Health

            Sa tuig 2001 adunay 17 ka mga nanay nga nagpasuso sa ilang mga anak ug pipila lamang ang nag-gamit ug bottle-feeding niini; ug 5 ka mga nanay nga mananabang lang ang nagpaanak ug pipila lamang ka nanay ang nanganak sa ospital kon 4 ka nanay. Halos tanan sa mga kabataan fully immunizedgikan sa nag-edad ug 0-1 anyos ang panuigon, gumikan sa suporta o ayuda sa mga barangay health workers. Halos tanan sa mga nanay na nakadawat ug 2 doses sa tetanus toxoid. Sa bahin sa mga bata, wala makasinati sa sakit nga diarrhea ubos sa 5 ka tuig ang pangidaron. Ug 50% sa mga nanay ang nag-gamit ug family planning ug ang uban usab niini nag-practice ug family planning. Duha ka solo parents ang nakadawat ug health services, ang rason nga ang maong banay walay maayong panginabuhi ug lisod ang kahimyang.

C. Water and Sanitation

            Ang maong barangay sa tuig 2001, adunay 222 nga naka-angkon ug potable water ug 170 ang adunay water sealed nga pansayan ug 24 ka pamilya usab ang nag-gamit ug faucet, 2 ngadto sa 8 ka metros ang gilay-on gikan sa balay niini. Ug 10-12 ka bubong ang nag-gamit ug atabay. Ug 3 ngadto sa 5 ka minutos ang ma-konsumo kon kini lakwon. Apan bisan sa kadaghanan sa mga nag-gamit ug faucet, sama sa gihapon masinati sa mga konsumante ang kalisod sa tubig, kay ang maong faucet walay maayong serbisyo ngadto sa mga konsumante.

D. Clothing

            Sa maong barangay 100% ang adunay mga sanina ug halos sa mga pamilya adunay tulo ngadto sa pulo ka parisan niini, kay halos sa mga pamilya hamugaway. Adunay nagtrabaho sa nagkalain-laing ahensya sa gobyerno ug pribado.

Security Needs

E. Shelter

            Adunay 15 ka bubong nga gub-on, apan kining maong bubong molungtad pa ug pipila ka tuig. Ang dakong rason mao nga ang ilang gihatagan ug dakong pagtagad mao ang adlaw-adlaw nga nanginahanglan. Sagad sa balay konkreto, gumikan kay ang mga tag-iya niini empleyado sa gobyerno ug pribado, overseas worker.

F. Peace and Order and Public Safety

            Kabahin usab sa kahusay sa kalinaw, ang maong barangay sagad mahitabo niini panagbingkil-bingkil sa usag-usa, kawat ug lapa sa mga hayopan, lungkab ug uban pa. Apan bisan pa sa maong hitabo, nagpatig-babaw gihapon ang kahusay ug kalinaw niini.

G. Income and Employment

            Ang mga lomolupyo sa among barangay sagad mag-uuma. Adunay pipila nga nagtrabaho sa buhatan sa gobyerno ug pribado. Sagad niini edukado apan walay mga trabaho.

Enabling Needs

H. Basic Education and Literacy

Ang mga kabataan nga nag-edad ug 3-5 years old miagi ug Day Care Pre-schooler ka mga klase. Adunay 49 ka buok nga nagtungha sa maong tlunghaan. Ug 20% sa mga nag-edad ug 6-12 ang nanungha sa elementarya ug 30% usab sa sekondarya nagtungha nag-edad kini ug 13-16. Halos tana sa mga kabataan mahibalo mu-basa ug mu-sulat. Ug 80% usab niini ang mahibalo sa simple calculation.

I. People’s Participation

            Sagad sa mga lomolupyo sa among barangay dili aktibo sa matag kalihokan, tungod kay ang ilang gihatagan ug unang pagtagad ang ilang panginabuhi ug ang uban adunay trabaho sa gobyerno ug pribado ug ang uban usab naa sa sugalan.

J. Family Care and Psychosocial Needs

Sa tuig 2001 walay mga kabataan ubos sa 18 anyos ang pangidaron nga nilambigit o nakasinati sa delikadong klase sa trabaho. Walay dagko nga mga incidente nga nahitabo sa among barangay. Walay mga kabataan nga ubos sa 7 anyos ang pangidaron nga wala mahatagi ug dakong pagtagad niini, kay ang maong mga bata nagtungha sa Day Care.

Barangay Hall

Barangay Sta. Maria Officials

Standing from left to right: Barangay Kagawad Henry F. Zapatos Barangay Kagawad Julian P. Pon Barangay Kagawad Ernesto A. Nebria SK Chairperson Darryl Z. Cuizon Barangay Kagawad Luisito C. Megrino Barangay Kagawad Remelio P. Tano   Seated from left to right: Barangay Treasurer Vivencia R. Cutad Barangay Secretary Felicidad E. Camacho Barangay Chairperson Felipe A. Taburada Barangay Kagawad Maria S. Taburada Barangay Kagawad Conchita C. Torres