Barangay Profile
Barangay San Antonio

Part 1 – Profile/Description of the Barangay

A. Historical Background

Sa tuig 1923, ang San Antonio adunay 15 ka bubong ang namuyo sa katigulangan, ang Religion nag ngalan sa Patron sa ilang simbahan San  Antonio de Paduwa. Ug kining Patron ginala sa maong katigulangan gikan sa Buhol nga si Mr. and Mrs. Macario Etrosas, uban kang Mr. and Mrs. Santiago Lampera. Ug ingon man si Moises Asuyo ug uban pa, giapilan usab nila ang aog kapunungan sa mga Cebuano bag-o usab namuyo sa maong dapit.

            Sa tuig 1940, miabot ang gira sa mga hapon ug ang mga katawhan nagkatibulaag, apan nagpabilin ang Patron ni Sr. San Antonio de Paduwa. Ug sa tuig 1945, hinay-hinay naangkon ug kalinaw ang maong dapit, busa ang mga tawo namalik ug pagpuyo sa maong lugar, sukad niadtong tungora ang San Antonio nahimong Setio sa Taguite. Diin ang San Antonio usa sa mga Cebuano nga si Roman L. Carro nga nahimong Barrio Council sa Taguite, sa tuig 1964 to 1966 ang San Antonio nahimong Barrio. Ug niadtong 1966 napili si Roman L. Carro nga tenente ubos sa Republic Act. 3550 ang gidala nga ngalan sa Patron gikan sa Buhol.

            Niadtong tuiga kalasangan pa; hilabihan pa kaduol sa maong Barrio makita ang tanang matang sa mga mananap nga ihalas, niadtong tungora ang mga kabataan diha palang mag-eskwela sa simbahan tungod kay nagpaiayon paman pagbuhat ug eskwelahan.Ug ang magtutudlo

nga gi-assign ni Mayor Alfonso D. Tan mao si Leonardo Estrosas anak ni Mr. and Mrs. Macario Estrosas ang unang namuyo sa maong dapit . Sa tuig 1978, ang Barrio San Antonio gihimuan ug barangay road human gisunod ni Mayor Alfonso D. Tan mao ang kuryente, gikan sa pagka-barrio sa San Antonio sa tuig 1966, hangtod sa tiug 1994 wala mailisi ang namunuan nga si Ramon L. Carrio anak ni Agapito Carro.

            Lumad nga Cebuano nga miabot dungan kang Mr. Macario Estrosas, sa tuig 1923 ang 15 ka bubong mahimo na karong 67 ka bubong gani sa pagkakaron adunay Sitio ang San Antonio nga ginganlan ug Malatuan, ug dula-an sa libo ang population adunay barangay hall ug health center. Water system, ang pinalit nga yuta para sa basketball court, kini ang maong kasaysayan sa barangay sa San Antonio, nga giugmad sa unang namuyo sa maong dapit nga karun atu-a na sa laing kalibutan. Ug among gipadayon alang sa kagmaon sa among kabataan nga umaabot ug sumusunod sa among kaliwatan dinhi sa San Antonio, nga mahimong kaplag sa among katigulangan sa tuig 1923.

            Sa tuig 1997 to 2000 ang barangay San Antonio hinay-hinay nga nakaangkon ug kabulahanan gikan sa 67 ka bubong kahi sa tuig 1996, sa pagkakaron aduna nay 83 ka pamilya ang namuyo ug may population kini nga 407 ka tawo. Ubay-ubay na usab ang nagpataod ug suga nga dagitabnon, ug may eskwelahan na usab nga elementarya nga nabuksan niadtong tuig 1997. Nakapabarog na usab ug Day Care building apan wala pa mahuman ang haligi ug atop, may Barangay Office usab nga napabarog sa samang pagkaagi haligi lang gihapon ug atop niinig tuiga 2003. Sa tuig 2001 bulan sa Abril 18, si Barangay Captain Roman L. Carro gibawian sa iyang kinabuhi sa sakit nga Cancer, siya namatay sa bulan sa Abril 25, 2001.

            Ug sa dihang gipulihan si Hon. Fernando L. Carro panganay nga anak sa kanhing Barangay Captain nga usa usab sa numero uno nga Kagawad sa nahisgutang barangay. Ge-proklamar pagka-barangay chairman ug si Justino L. Carro usa usab sa mga gi-recommendar nga Kagawad isip hulip sa ikapitong dapit, ug ang iyang kaatbang mao ang duha ka purok presidente nga si EduardoLampera ug si Francisco Cardente ug pulos sila gibotuhan sa konseho sa barangay. Ug ang resulta si Mr. Justino L. Carro maoy midaog isip ikapito nga Kagawad, gi-proklamar siya dungan sa bag-ong Barangay Captain nga si Hon. Fernando L. Carro.

            Dinhi nagpadayon ang pagdumala sa barangay ubos sa pagdumala ni Hon. Fernando L. Carro ug uban sa mga opisyales ning tuig 2001, bulan sa Hunyo ang Day Care Center maoy gihatagan ug unang pagtagad sa bag-ong namunuan. Sa pag-kakaron ang Day Care Center gi-klasihan na. Kay ang Day Care Center phase one mao nang una maoy gihuman ug temporary nga Barangay Office sa pagkakaron, dungan usab niining tuiga gipatrabaho usab ang basketball court ug concrete na uban sa mga proyekto niini. Labihan ang kalipay sa katawhan tungod kay sa taas nga panahon nga pagpaabot natuman ra gyud ang gipangandoy sa katawhan.

            Sa tuig 2002, gisunod ang pagtrabaho sa kalsada ug sa pagkakaron aduna nay 400 ka metros ang cementado, one lane ang iyang gidak-on gikan sa Barangay Taguite nga karon ani-a mahimutang sa tangason nga bahin sa San Antonio, niining tuiga gitrabaho usab ang Public Toilet sa barangay atubangan sa basketball court ug pagkakaron nahuman na.

            May programa na usab nga mibarog sa among barangay nga mao ang Coffee production ubos sa pagdumala sa NGO’s kon Care Philippines. Kini ang programa nga sa pagkakaron gihatag sa katawhan aron ang mga lumulopyo mabulahan tungod kay makatabang man kini sa panginabuhi, ug malikayan usab ang kanunay pagsalig sa kakahuyan diha sa kabukiran. Kini ang dyotay nga pag-uswag sa barangay San Antonio ning tug 2002, ubos sa pangpangulo ni Barangay Chairman Fernando L. Carro.

B. Physiographic Profile

1. Location, Area Acres

            Ang Barangay San Antonio anaa mahimutang sa bungtod nga dapit sa lasang, kini adunay total area nga 5,610.5308 hectares. Ang mga kasikbit nga barangay niini mao ang Baluc sa silangan nga bahin. Ug sa kasadpang bahin niini mao ang barangay Sicot, sa ti-ilan nga bahin niini mao ang Barangay Taguite, may gilay-on nga 12 kilometro paingon sa Tangub City Hall kining maong gilay-on makuha lamang sa 40 minutos nga dagan sa motor single.

2. Climate and Rainfall

            Kining Barangay San Antonio maoy dapit nga matugnaw diin ang iyang kabugnaw nakahatag ug ka-tunog sa among ulo panahon sa kagabhi-on ug among matagamtam dinhi ang ulan, panahon sa bulan sa Abril paingon sa Septyembre, Octobre paingon sa Disyembre ug sa bulan sa Marso amo na usab nga matagamtam ang ting-init diin may panaagsaung pag-ulan.

3. Physical Topography

            Hulagway sa Barangay San Antonio, ground ang yuta nga may pagka-puti-puti, daghan ang kabunturan diin adunay daghang mga bato ug may lalum nga sapa sa kasadpan nga bahin niini.

C. Socio – Economic Profile

1. Population

Barangay San Antonio

CY 2001

            Ang barangay San Antonio adunay lomolupyo nga may gidaghanon nga 392 ka mga tawo sa tuig 2001 ang lalaki adunay gidaghanon nga 205, ug ang babaye adunay gidaghanon nga 187 kini gilangkuban sa 80 ka bubong diin gibahin ngadto sa tulo ka purok.

2. Age Distribution

Age Distribution

CY 2001

            Ang pinakadaghan ug population sa barangay mao ang edad 0-5 yearsold. Kini mokabat ug 65 ka buuk, 33 ka babye ug 32 ka lalaki. Kini mokabat ug 17.55% sa total population sa barangay. Ang pinakagamay nga population sa barangay mao ang edad 56-60 years old. Mokabat ug 6 ka buuk, 4 ka lalaki ug 2 ka babaye kini mokabat ug 1% sa total population sa barangay.

3. Civil Status Distribution

Civil Status Distribution

18 years old and above

            Ang nag-una sa gidaghanon sa Barangay San Antonio, mao ang minyo nga mokabat ug 154 ka tawo, nagsunod ang walay kabilinggan, adunay 69 ug adunay balo nga 5 ka babaye.

4. Dialect Spoken at Home

            Cebuano, Subano, Islam

            Ang Barangay San Antonio adunay tulo ka pinulongan nga gigamit sa mga katawhan kini mao ang Cebuano 90%, Subano 10% ug ang Islam 5% lamang

5. Relihiyon

            Ang Barangay San Antonio adunay duha ka klasi nga relihiyon kini mao ang Katoliko 90% gisundan sa Seventh Day Adventist adunay 5% lamang.

6. Lay-out per sitio

            Ang barangay San Antonio, adunay 1 ka sitio nga ginganlan ug Malatuan kini adunay 3 ka kilometro gikan sa Barangay Hall. Diin mokabat ug tunga sa oras ang pagbaklay paingon sa Centro sa Barangay kini gilangkuban ug 19 ka bubong nga wala makatagamtam ug maayong dalan, ug sugang dagitabnon sanglit ang maong proyekto wala pa sa kab-ot sa maong dapit.

Part II – Situational Analysis

Survival Needs

A. Food and Nutrition

            Ang situation sa food and nutrition sa Barangay San Antonio sa tuig 2002 adunay 29 ka mga bata nga normal ug timbang, sa laing bahin adunay 21 ka mga bata nga subra sa ilang timbang. May mga bata usab nga 2 ka book nga moderate ug 1 usab ang severe, sa kahimtang sa mga bata nga nagdawat ug mga feeding adunay 30 ka mga kabataan.

B. Health

            Kabahin sa inahan nga nagmabdos adunay 3 ka book sulod ning bulan sa November ning tuig 2002, kadaghanan sa mga inahan nga nanganak sa ilang kabataan napanabangan sa doctor / midwife. Kini gipanganak nga pinaagi lamang sa hilot ang mga bata tungod kay adunay tulo ka mga tawo nga naka-seminar ug train hilot. Ang mga bata usab nga nagpanuigon ug 0-1 tanan nabakunahan ingon man usab ang mga inahan nga nagbuntis nabakunahan ug anti-tetanus may pipila nga wala apan dyutay lang kaayo. Sa mga kabataan nga nagpanuigon ug 0-5 ka bulan paingon sa ilang pagngipon sila halayo sa disgrasya sa mga sakit tungod kay kadaghanan sa mga ginikanan aduna may herbal medicine nga nakat-onan ikaduha aduna na usab silay kaduolan nga Barangay Health Worker ug mga midwife. Hinoon usa sa among problema mao ang kakulangon sa mga tambal.

            Situation sa Family Planning sa Barangay San Antoniom sa tuig 2002 adunay 20 ka buok ang migamit ug kontrol kadaghanan ang gigamit niini mao ang calendar ug pipila niini migamit sa programa sa gobyerno.

C. Water and Sanitation

            Ang sitwasyon sa tubig nga among gigamit kini limpyo tungod kay kinuha man kini gikan sa tinubdan, sa kahoy nga luktob ug gidala namo paingon sa Centro, sa Barangay Hall diin sa pagkakaron gipahimuslan sa duha ka Purok I ug II ug kining maong tinubdan distansya ra gikan sa Barangau Hall. Mga tulo ka kilometro mukabat kini ug tunga sa oras kon among baklayon, apan sa pagkakaron naglisod na usab kami sa paggamit tungod kay nangaguba naman ang mga tubo sa tubig nga among gigamit.

            Ang kabahin sa kasilyas kadaghanan walay mga kasilyas nga naggamit ug water sealed gawas sa usa nga naggamit niini, may mga 63 ka tawo nga adunay kasilyas pero tinabunan ug ang walay kasilyas adunay 14 ka bobong kini tungod kay naghulat sa plastic bowl nga pagapaliton gikan sa 20% BDF nga ihatag sa walay kasilyas.

            Pamaagi sa paglabay sa among mga sagbot kini among tapukon ug dauban, ang uban adunay composite ug adto ilabay ang mga sagbot. Sa paglabay sa mga hinugas nga tubig kadaghanan hiposon sa mga sudlanan ug kini ilalog sa mga baboy.

D. Clothing

            Sa kahimtang nga among gigamit kada adlaw sama sa pag-tugbong paingon sa syudad 50% lamang ang kadaghanan nga adunay magamit 15% ka mga tawo ang walay biste nga magamit para pang gawas, pulos lang pangsulod sa balay or pang-uma tungod sa kalisod sa panginabuhi kay kanunay man lang gi-agpas sa kawad-on para sa pamilya.

Security Needs

E. Shelter

            Sitwasyon sa mga balay nga gipoy-an sa mga lomolupyo sa Barangay San Antonio, kini nag-gamit ug kahoy ang uban nag-atop ug galvanized iron sa katarungan nga makonhuran ang gasto sa pag-repair, ug ang uban usab naggamit ug Nipa tungod kaw wala may ikapalit. Kining mga balaya molahutay gayod ug lima ka tuig kapin 98% ang anaay balay ug walay nag-abang.

F. Peace and Order

            Ang Barangay San Antonio sa tuig 2001, adunay 1 ka pamilya ang nawad-an ug pinoy-anan tungod kay kini gitumba sa hangin o bagyo, kining balaya kasarangan lang ang gidak-on. Niining tuiga adunay 7 ka bubong ang wala nay nagpuyo tungod kay ato-a na sa syudad namalhin tungod sa kalisod sa panginabuhi diri sa bukid ang ilang mga abot igo lang ibayad sa abuno, ug wala nay para sa pagkaon. Ning tuig 2002 ang leader sa mga CVO gipatay sa mga armadong tawo, tungod sa iyang pagbarog sa katarungan ug pagpanalipod sa kawat nga ginagmay, mga tawo nga nahisalaag sa kahayag. Pagkakaron ang kawat nagpabilin sama sa manok, saging, lubi ug uban pa tungod kay ang kadaghanan sa mga CVO nangadlok pa sumala sa nahitabo.

G. Income and Employment

            Sitwayson sa panginabuhi sa among barangay adunay 98% ang nagtrabaho sa uma sama sa pagpananum ug mais, humay, bisol, kamuting kahoy, saging, lubi ug uban pa. Apan ang among abot sa pagpanguma igo ra sa among pagkaon, gani magkulang paman gani usahay tungod kay dili usab kami makapadako ug biste kon mamu-o ug daro or guna busa 98% kaming lomolupyo sa barangay walay tigum sa bangko. Tungod niini ang among mga anak miabag sa pagpanginabuhi pinaagi sa pagpa-helper sa syudad, 15% ang ubang pangulo sa banay naa sa syudad nanginabuhi sa malinis nga paagi.

Enabling Needs

H. Basic Education and Literacy

            Ang basic education sa among barangay sa pag-edukar sa mga kabataan ang mga ginikanan nagpatungha sa ilang mga anak gikan sa Day Care adunay 16 ka buok 3.2% Primary ug Elementary 99 ka buok 20% lamang. Ang mga ginikanan nga nagpatungha sa ilang mga anak sa High School 10 ka buok 3%  ug ang uban makahuman sa College bisan sa kalisod sa panginabuhi, ang mga kabataan nga misabot na lang ning maong kahimtang gawas niadtong nagpa-helper nga gipa-eskwela sa ilang amo. Hinoon ingon niini ang sitwasyon sa among o dapit kabahin sa edukasyon 90% ang taman lang sa pagbasa ug pagsulat 20% lamang gayod ang makamao moperma ug mobasa.

I. Peoples Participation

            Sitwasyon kabahin sa partisipasyon sa mga kalihukan sa Barangay San Antonio, sama sa assembliya, pahina ug uban pang mga kalihukan 90% ang miabag alang sa kalambuan sa among barangay, 10% ang dili usab makagahin ug panahon sa katalingbanong kalihukan sa barangay. Tungod sa ilang kalisod ug nagpadayon kaming nagkahiusa gawas niadtong pipila ka tawo, sa samang pagkaagi sa kahimtang sa Religious Organization nagpabiling maampo-on ang GSK ug katalingbanong pag-ampo.

J. Family Care and Psychosocial Needs

            Ang kahimtang sa among barangay kabahin sa panginabuhi, walay nagtrabaho diha sa delikadong kahimtang nga mahimong gokdonon sa bala-od o haduol sa disgrasya, ingon man walay mga kagubot ug uban pang makahatag ug pag-kabungkag sa katilingban gawas sa ginagmay’ng tabi-tabi. Ang tibook sakop sa barangay nahatagn sa maayong serbisyo, sama niadtong wala masayri ang problema sa pamilya o katilingban.