Barangay Profile
Barangay Salimpuno

Part 1 – Profile / Description of the Barangay

A. Historical Background

Mao kini ang kasaysayan sa among barangay. Ang unang mga tawo ang mga lumad nga Subano. Nagpuyo sila niining lugara daplin sa lasang uban sa ilang panginabuhi nga pang-uma, pangayam ug uban pa nga ilang kabuhian. Kini sila mao si Tawgan, Lupitan, Samugat, Laras ug Tugo. Matod pa niining mga tawhana sukad sa ilang pagtikad ning maong lugar wala gayod sila makatagamtam ug kagubot uban sa ilang mga silingan. Nagpuyo sila sa malinawon. Bisan pa ang mga katigulangan nga nagsaysay ning maong estorya nakapamatuod nga tinuod ang giingon sa mga Subano tungod kay panahon sa Hapon kining maong barangay wala gayud maabot dinhi ang kagubot. Busa matod pa sa mga katigulangan daghan kaayo ang mga bakwit dinhi kay linaw man ang maong dapit. Mao kini nga gihinganlan sa mga Subano ug Salimpuno tungod kay ang pulong Salim nagkahulugan man ug Kalinaw. Sa ato pa puno sa kalinaw – Salimpuno.

Hangtod karon napamatud-an gayod sa mga lumulopyo nga walay dagkong kagubot nga nahitabo ning among barangay. Tungod niini magpasalamat kami sa atong Dios nga makakagahom sa ngatanan nga naghatag sa kalinaw sukad sa sinugdan hangtod sa katapusan.

B. Physiographic Profile

1. Location, Area and Acess

Ang Barangay Salimpuno sakop sa dakbayan sa Tangub. Gikan sa siyudad adunay 12 ka kilometros ang gilay-on. Dapit sa silangan mao ang Barangay Villaba, dapit sa kasadpan mao ang kalasangan, dapit sa amihan mao ang Barangay Banglay, dapit sa habagatan mao ang Barangay Kimat.

2. Climates and Rainfall

Ang klima dinhi bugnaw ilabina sa kagabhion. Sa ting-ulan labihan ka danlog ug mosamot ang kabugnaw ning maong barangay.

3. Physical Topography

Ang Baranagay Salimpuno kasagaran bakilid. Gamay ra ang dapit nga patag. Adunay 473.0799 hectares nga yuta sulod ning maong barangay. Ang gitas-on sa mga bungtod wala magparihas naay taas kaayo naa usab mubo. Sakop niini nga suba sa Migkanaway River.

C. Socio-Economic Profile

1. Population

Barangay Salimpuno

CY-2003

Source: Girllie T. Chavez, Barangay Secretary

            Atong nakita sa tuig 2002 ang Barangay Salimpuno adunay namuyo nga mikabat sa 447 ka mga tawo diini 233 ang mga lalaki ug 214 ang mga babaye. Naglangkob kini ug 90 ka bubong nga gibahin-bahin sa 3 ka Purok. Walay sitio ning maong barangay.

1. Age Distribution

Age Distribution

CY-2003

Source: Girllie T. Chavez, Barangay Secretary

            Atong makita nga ang nag-edad ug 0-5 mao ang nag-una ug gisundan sa nag-edad ug 6-10 anyos, ang nag-edad ug 11-15 anyos, ang pinakagamay mao ang nag-edad ug 56-60 anyos.

2. Civil Status Distribution

Civil Status Distribution

(18 yrs. & above)

CY-2003

Source: Girllie T. Chavez, Barangay Secretary

            Daghan ang single kay sa minyo. Gisundan sa minyo, adunay balo nga 12, 3 ang lalaki ug 9 ang babaye ug adunay bulag nga 1 ka pamilya.

4. Dialect Spoken at home: Cebuano

5. Religion: Roman Catholic

Part II – Situational Analysis

Survival Needs

A. Food and Nutrition

            Sa mga kabataan nga nag-edad ug 0-6 adunay mga malnourished. Adunay 9 ka mga bata nga malnourished. Bahin sa mga inahan nga mabdos nahatagan kini sila ug vitamins gikan sa health center sa siyudad. Breast feeding ang gigamit sa mga inahan.

B. Health

            Adunay immunization sa mga bata nga nag-edad ug 0-1 years. Adunay midwife kada bulan para sa pag-atiman sa mga mabdos ug sa mga bata. Gamay ra ang tambal nga dala sa midwife tungod kay matod pa walay supply ang opisina sa health center sa siyudad.

C. Water and Sanitation

            Mahitungod sa tubig adunay mga faucet gikan sa tinubdan, apan kulang kaayo ilabina sa ting-init kay gamay ra ang source sa tubig kay walay salapi ang abarangay para ikuha sa dakong tinubdan nga nagkinahanglan ug dakong kantidad. Aduna pay mga panimalay nga wala magamit ug dakong water-sealed toilet tungod sa kakulangon sa tubig, ug ang uban wala pa gayud makabuhat.

D. Clothing

            Bahin sa panapot sa mga baryohanon igo-igo lang duyog ra usab sa panginabuhi ingon nga mag-uuma.

Security Needs

E. Shelter

            Kasagaran sa mga panimalay dili koncreto, ang uban natukod sa kaugalingon nilang yuta ang uban usab sa dili ilang yuta. Naa usab pipila nga guba na tungod sa kawad-on.

F. Peace and Order

            Bahin sa kahusay ug kalinaw walay dagkong mga panghitabo gawas sa ginagmay nga kawat sama sa saging ug manok.

G. Income and Employment

            Ang kinitaan minos ra kaayo tungod kay nag-agad sa abot sa uma. Kasagaran mga mag-uuma ra ang namuyo dinhing dapita.

Enabling Needs

H. Basic Education and Literacy

Adunay Day Care ning maong barangay, gikan sa nag-edad ug 3 anyos ngadto sa 6 anyos. Adunay 38 ka mga bata ang na-enroll ning tuiga. Ug sa elementarya adunay nagtungha nga mga bata 6-12 anyos, adunay 120 ka mga bata. Aduna usab dili maka-mao mu-sulat ug mu-basa nga mga tigulang.

I. People’s Participation

            Ang mga tawo mu-apil sa matag bulan nga Community Assembly, binulan nga meeting sa matag Purok, sa kapunungan sa kasakit, sa Women’s Organization, ug uban pang kalihukan sa barangay.