Barangay Minsubong
Barangay Profile

 
Part I – Profile / Description of the Barangay

A. Historical Background

Sa unang panahon kining barangay Minsubong ginganlan ug Minsubog. Kining maong ngalan gimugna sa mga namuyo niining dapita. Tuig 1925, midagsang ang mga estranghero gikan sa Siquijor, Bohol ug Cebu. Maoy una nga nakapa-edukar sa mga lumulopyo nga lumad niining dapita. Unya ang mga lumad nga lumulopyo ug ang mga estranghero niining dapita nagkasinabot nga ang Minsubog himoong Minsubong. Tuod man nagkauyon sila. Gikan niadtong panahona ang maong dapit haimong Barangay Minsubong pinasikad sa Republic Act 3590.

B. Physiographic Profile

1. Location, Area and Access

Ang maong Barangay Minsubong adunay 318.0086 hectares ug ang gilay-on gikan sa among barangay paingon sa City Hall mikabat ug 4 ka kilometros, mikabat usab ug mga 5 ka minutos kapin kon kulang ang daganon sa single motor paingon sa Poblacion. Ang Barangay Minsubong nahimutang sa Silangang bahin nga gilangkoban sa lima ka Purok.

Ang Purok 1 nahimutang sa Kanaway’ng bahin nga kasikbit nga barangay mao ang Barangay Sta. Maria ug Barangay Sinusa, Ozamiz City. Ang Purok II ana-a nahimutang sa tunga-tunga nga bahin sa among barangay diin nahimutang ang among tulunghaan Minsubong Elementary School. Sa ubos nga bahin sa among tulunghaan ana-a usab nahimutang ang mnaong Barangay Hall ug Basketball Court daplin gayod sa barangay road. Ang Purok IV ana-a nahimutang sa habagatang bahin diin nahimutang usab ang fishpond ug ang lapyahan nga may nahibilin nga gagmay’ng katunggan. Ang Purok V nahimutang ang Bitoon Primary School nga ang kasikbit nga barangay mao ang Barangay Sinusa, Ozamiz City.

2. Climates and Rainfall

Ang klima sa among barangay, mao kini mo-init panahon sa Enero ug ang ulan panahon sa Mayo depende sa sitwasyon sa panahon maoy hinungdan nga kasagaran lang ang kahimtang sa mga lumulupyo ilabina sa among panginabuhi-an. 

3. Physical Topography

Ang porma sa among barangay susama sa eskinado apan adunay tumoy-tumoy sa dulo niini. Ang maong barangay adunay 32.0760 hectaryang patag ug adunay 15 ka hektaryang hanayhay.

C. Socio-Economic Profile

1. Population

Barangay Minsubong
CY-2001 

Source: Barangay Health Workers

            Mao kini ang kinatibuk-ang sumada sa populasyon sa Barangay Minsubong, nagalangkob kini sa 218 households. Adunay 554 ka lalaki ug 573 ka mga babaye. Ang total population sa barangay Minsubong mikabat ug 1, 127 sa tuig 2001.

1. Age Distribution

Age Distribution
CY-2001

Source: Barangay Secretary

            Mao kini ang kinatibuk-ang sumada sa mga lumulopyo sa Barangay Minsubong. Atong makita sa Age Distribution Table CY 2001 nga mas daghan ang mga babaye ikomparar sa mga lalaki.

2. Civil Status Distribution

Civil Status Distribution
(18 yrs. & above)
CY-2001 

Source: Barangay Secretary

            Alang sa Civil Status Distribution nga survey o Census ang barangay Minsubong, mas daghan ang minyo nga lalaki tungod kay 167 ang lalaki samtang ang mga babaye nga minyo ang total 164 ka buok. Ang single nga lalaki 95, samtang ang single nga mga babaye adunay 73 ka buok. Ang balo usab mas daghan ang babaye adunay 29 ka buok ug 6 ra ka lalaki. Ang separated adunay 8 ka buok babaye ug adunay 4 ka lalaki.

4. Dialect spoken at home

            Kadaghanan sa lumulopyo sa Barangay Minsubong ang pinulongan nga gigamit mao ang Cebuano, tunbod kay gamay ra ang mga ginikanan nga nakatapos sa ilang pagtungha ug kasagaran walay grado. Mao usab kini ang ilang namat-an ug kahayag nga ang Cebuano maoy gitudlo sa mga ginikanan sa ilang mga anaok.

Minsubong Elementary School

Royal Memorial Hall

Part II – Situational Analysis

Survival Needs

A. Food and Nutrition

            Dinhi sa barangay Minsubong walay bag-ong natawo nga bata nga wala makaabot sa timbang nga 2.5 kgs. Ug walay bata nga nag-edad ug 5 anyos nga malnourished. Ug sa gihapon ang mga nanay nabuntis na sigon sa survey nga nahimo sila nahatagan sa bitamina. Dinhi sa brangay Minsubong ang mga nanay kasagaran nagpasuso sa ilang mga anak gikan sa pagkahimugso, dili na pasusohon kon kini angay na nga lutason. Gamitan lang ang bata ug bebiron kon ang nanay dunay sakit kay aron ang bata dili matakdan sa sakit sa inahan.

B. Health

            Ang mga nanay sa barangay Minsubong sa panahon sa ilang pagpanganak mogamit lang sa Traditional Mindwife o mananabang. Pipila lang ang mokuha ug Midwife kay halayo ang pinu-anan sa mga midwife sa barangay Minsubong. Nabansay na sa mga nanay nga mokuha ug nanabang. Dinhi sa barangay Minsubong adunay mananabang nga wala maka-seminar ug nagkinahanglansila nga passeminaron kay mao nay ilang nakat-onan nga mananabang kon adunay manganak. Hinoun dili kalikayan sa mga nanay nga sa panahon sa ilang panganak nga moadto sa hospital labi na sa mga nanay nga sa panahon sa ilang panganak nga sulgan sa dugo o makuyapan, ang maong nanay mangandam na kon buntis sa panahon sa ilang panganak matabangan ug nao nay panahon nga sa ilang pagpanganak matabangan ug doctor.

            Ang mga bata nga panuigon ug 0-1 kompletong nabakunahan. Ang mga buntis usab nabakunahan ug Tetanus Toxiod ug TT3 and TT5.

            Walay mga bata nga nagpanuigon ug ubos sa lima ka tuig ang panugon nga nagkalibanga sa milabay nga unom ka bulan, walay namatay nga miyembro sa pamilya sa sakit nga angay malikayan.

            Ang magti-ayon adunay kaduolan sa pagplan sa pamilya nga mao ang Health Center sa siyudad. Ang ubang magti-aon migamit sa artificial nga plano sa pamilya, kasagaran sa mga magti-ayon wala.

C. Water and Sanitation

            Ang among tubig nga imnumon limpiyo apan hilayo, dili malakaw ug 20 munitos, mokabat ug 3 ka kilometro and distansya gikan sa pinoy-anan sa matag panimalay nga sakop niining barangay. Bahin sa kasilyas adunay migamit sa antipolo 12 ka bubong samtang sa water-sealed adunay 111 ka bubong, kadaghanan gayon ang walay kasilyas sa katarungan nga walay igasto sa pagbuhat ug kasilyas tungod sa kalisod sa paimlya.

            Ang pamaagi sa ginamit nga tubig ang uban gitigom, ang adunay sabon maoy gigamit para sa kasilyas, ang ikaduhang ginamit gitigom para sa lawog sa baboy tungod sa kalayo sa tubig. Adunay panimalay nga adunay blind drainage 35 ka bubong. Kadaghanan ang gigamit sa uban isabwag.

D. Clothing

            Bahin sa panapot sa mga baryohanon igo-igo lang duyog ra usab sa panginabuhi ingon nga mag-uuma.

Security Needs

E. Shelter

            Kasagaran nga namuyo sa barangay Minsubong adunay tulo ka klase nga beste ug sigon sa survey adunay 2 ka bubong nga dili kompleto.

F. Peace and Order

            Bahin sa peace and order sa among barangay walay lumolopyo sa bargnay nga nabiktima sa patay samtang sa tulis ug rape wala usab.

G. Income and Employment

            Bahin sa panginabuhian, ksagaran ang mga pangulo sa pamilya manarbaho sa nagkalain-laing lugar, gawas sa among barangay, ug pipila lang ang nag-uma tungod sa kakulangon sa kagamitan sa pag-uma. Ug adunay miyembro sa pamilya nga nag-edad ug 18 anyos nga nanarbaho sa layong lugar tungod sa kalisod sa ginikanan, kay ang ilang kinitaan gamay ea sa galastohan sa matag adlaw apil nga pagkaon.

Enabling Needs

H. Basic Education and Literacy

Bahin sa kabataan nga nag-edad ug 3-6 anyos gamay ra ang gi-eskwela sa Day Care o kindergarten. Kadaghanan niini gatungha sa Elementarya. Dili tanan nga miyembro sa pamilya nga nag-edad ug 13-16 ang nagtungha sa High School tungo sa kalisod sa mga ginikanan., ug adunay pipila ka miyembro sa pamilya dili kahibalo mobasa ug pagkuwenta sa simple arithmetic.

I. People’s Participation

Dinhi sa barangay Minsubong adunay pipila ka miyembto sa pamilya nga dili makabotar sa panahon sa eleksiyon tngos kay kulang sa kahibalo, tungod kay ang mga ginikanan sa unang panahon wala mangambisyon nga maedukar ang ilang mga anak kay igo ra silang gipakatawo aron inig kadagko ilang mapuslan ug sugo sa ilang pagpanguma.

J. Family Care and Psychosocial Needs

            Dinhi sa barangay Minsubong walay mga kabatan-onan ng nagpangidaron sa 18 anyos nga nanarbaho sa laing lugar nga nabiktima sa pang-abuso sa ilang mga agalon ug walay nga nag-edad ug 7 anyos paubos nga wala mahatagi sa hustong pag-atiman sa ilang mga ginikanan.

Barangay Hall

Barangay Minsubong Officials

Standing from left to right: Barangay Kagawad Demosthenes Honculada Barangay Kagawad Alfredo Enguito Barangay Kagawad Amando Maghanoy Barangay Kagawad Saturnino Gomez Barangay Kagawad Teodoro Erap Barangay Kagawad Manolo Abatayo Seated from left to right: SK Chairperson Glenna Opada Barangay Secretary Vilma Gomez Barangay Chairperson Ruben Laluna Barangay Kagawad Gina Urbano Barangay Treasurer Liza Lumaton