Barangay Mantic
Barangay Profile

Part I – Profile / Description of the Barangay         

A. Historical Background

Kaniadtong unang panahon sa dasok pa ang kakahuyan tipon sa katunggan, didto makita ang lunhaw nga kababalilihan sa daplin sa kabaybayonan ug diin didto nahimutang ang tin-aw ug nagsugwak nga tubod. Ug tungod SA kanindot nga tagamtamon sa kabugnaw niining maong dapit, dinhi nagkaguliyang ug nagtapok ang mga kalanggaman nga gitawag ug MANTIC ug dinhi nahimugso ang pagalan sa among Barangay nga MANTIC.

Ang Barangay Mantic, ubos sa pagtikad sa kanhing kumad nga lumolupyo nga mao ang mga subano, usa ka malinawon nga lugar nga gigasahan sa kinaiyahan sa tabunok nga kayutaan ug masaaron nga kadagatan. Sa pag-irog sa mga katuigan nangabot ang mga katawhan kauban sa ilang mga pamilya/banay gikansa kabisayaan ug Luzon tungod kay dali ra man abton kining maong dapit tungod kay mahimo man nga agi-on sa tubig o dagat ug mahimo man nga agi-on sa tubig o dagat ug mahio usab sa yuta kon kasada.

Ang Barangay Mantic namugna ug narehestro ubos sa akta Republika 3590 sa tuig 1968 ubos sa paingkamot ni kanhi Governor Alfonso D. Tan.

B. Physiographic Profile

1. Location, Area and Access

Sa Silangan nga dapit sa Barangay Mantic mao ang silingan nga Barangay Migacanaway, sa Kasadpan mao ang dakung suba sa Malubog, sa Kanluran nga dapit mao ang halapad nga dagat nga mao ang Panguil Bay. Nahimutang kining maong Baragay Mantic mga 500 meters ang gilay-on gikan sa sentrong bahin sa syudad sa Tangub ug ang gilay-on sa Barangay Mantic paingon sa City Hall daganon lang sa mga lima (5) ka minutes kung magsakay ug tricycle. Ang maong Barangay Mantic adunay 27.2675 ka hektarya ang gilapdon sa sukod sa yuta.

2. Climate and Rainfall

Kining maong barangay adunay gasa nga maanindot nga klima, masinati ang tag-init sa bulan sa June, July, August, December ug sa uban nga mga bulan masinati ang kasagaran ug panagsa nga tag-ulan ug tag-init nga maoy masinati sa syudad sa Tangub.

3. Physical Topography

Ang Barangay Mantic, patag nga lugar ug ang kinadak-an niini kaniadto mao ang katungan apan karon ang kinadakan mao ang kabalayan ug adunay daku usab nga bahin ang nahimutangan sa Intitutional Area sama sa skwelahan ug Hospital tungod kay nagkasibog ang mga katuigan nagkadaku ang populasyon ug minglambo kining maong barangay.

Day Care Center

Mantic Elementary School

C. Socio-Economic Profile

1. Population

Population of Barangay Mantic
CY – 2001

Source: Barangay Health Workers and Secretary

            Ang Barangay Mantic Population sa Calndar Year 2001 adunay 317 ka mga households ug adunay kinatibuk-an nga populasyon nga 1,830 ka mga tawo. Kini gibahin sa makaduha ang mga lalaki adunay 913 ug ang mga babaye adunay 917 ka mga tawo ug kini gibahin sa pito (7) ka mga Purok.

2. Age Distribution

Age Distribution of Barangay Mantic
CY 2001

Source: Barangay Health Worker and Secretary

            Ang kinatibuk-an kon kinadaghanan nga total sa ages distribution dinhi sa among barangay sa Calendar Year 2001 mao ang ages 0-5 nga may gidaghanon nga 280, gisundan kini sa ages 6-10 nga may gidaghanon nga 235, sunod mao ang ages 11-15 nga may gidaghanon nga 209, sunod mao ang ages 16-20 nga may gidaghanon nga 167, sunod mao ang ages 21-25 nga may gidaghanon nga 191, sunod mao ang ages 26-30 nga may gidaghanon nga 139, sunod mao ang ages 31-35 nga may gidaghanon nga 118, ug sunod mao ang ages 36-40 nga may gidaghanon nga 117, sunod mao ang ages 41-45 nga may gidaghanon nga 96, sunod mao ang ages 46-50 nga may gidaghanon nga 87, sunod mao ang ages 51-55 nga may gidaghanon nga 62, sunod mao ang ages 56-60 nga may gidaghanon nga 52, sunod mao aong ages 61 pataas nga may gidaghanon nga 77 ka mga tawo. Ug kini gi total sa 1,830 ka mga katawhan nga nagpuyo dinhi sa among barangay.

3. Civil Status Distribution

Civil Status Distribution of Barangay Mantic
(18 yrs. and above)
CY 2001 

Source: Barangay Health and Secretary

            Sa Calendar Year 2001 ang Civil Distribution dinhi sa Barangay Matic mao kining mosunod; ang Single adunay gidaghanon nga 430 ka mga tawo ug kini gibahin sa makaduha, ang lalaki adunay gidaghanon nga 214 ug ang babaye adunay gidaghanon 216 ka mga tawo. Ang Married adunay gidaghanon nga 36 ka mga tawo. Ang Separated adunay 17 ka mga tawo ug gibahin kini sa makaduha, ang lalaki adunay 5 ug ang babaye adunay 12 ka mga tawo. Ang 17 anyos paubos adunay gidaghanun nga 1,173 ka mga tawo.

4. Dialect Spoken at Home

            Niining tibook Barangay Mantic ang ginagamit gayud nga instoryahan sa mga tawo sa matag adlaw-adlaw mao ang Cebuano apan ang ubang mga katawhan makahibalo usab nga mamulong sa ubang pinolungan sama sa Wray, Tagalog, Ilonggo, Siquihodnon ug uban pa.

5. Religious Distribution

            Sa Calendar Year 2001 ang Roman Catholic ra gihapon ang nag-una sa tanang Religious Group dinhi sa among Barangay.

6. Walay mga Sitio ang among Barangay, hinoon gibahin kini sa (7) pito ka mga Purok

Part II – Situational Analysis

Survival Needs

A. Food and Nutrition

Walay mga bata nga nagpuyo dinhi sa among barangay nga natawo sa ubos sa 2.5 kgs. Hinoon milabaw pa ngadto sa 3.0 pataas. Ang among Barangay Nutrition Scholar nagreport nga 13 ka mga bata nga nag-edad ug 5 ka tuig pa-ubos nga mga malnourished basi sa January 2002 Full Weighing ug adunay mga new Cases nga 22 ka mga batang malnourished basi sa October 2002 Full Weghing. Ang tanan nga mga buntis dinhi sa among barangay nahatagan ug ayuda sa gobyerno nga mga Iron ug Iodine Supplements pinaagi sa CHO ug sa mga Health Workers ug Nutrition Scholar ning atong syudad ug ning among baragay. Kasagaran gayud sa mga inahan dinhi sa among barangay mingpasuso sa ilang mga anak pinaagi sa breast feeding ug adunay 11 ka mga inahan sa tuig 2002 nga mipasuso pero gi-mix ug mga artificial nga mga gatas. Ang tanag mga bata nga nag-edad ug 12 – 50 months nahatagan gayud ug ayuda alang sa pagpahimsog sa ilang mga panglawas pinaagi sa paghatag ug mga Vitamin A, purga ug paghatag ug Supplemental feeding alang sa mga bata nga malnorished.

B. Health

Daghan sa mga inahan nga nanganak nga nagpuyo ning among barangay nga natabangan sa Hospital pinaagi sa Doctor ug midwife sanglit duol ra man ang Doña Maria D. Tan Memorial Hospitals ug daghan usab ang nanganak sa ilang mga kaugalingon panimalay nga natabangann sa mga Certified Midwife ug train Hilot. Ang Barangay Nutrition Scholar nagreprt nga ang tanang mga buntis dinhi sa among barangay nabakubahan gayud sa duha ka doses nga tetanus toxiod. Ug ang tanang mga bata nga nag-edad ug 1 – 0 yr. Old nabakunahan gayud sa tanang klase sa bakuna. Walay mga miembro sa pamilya dinhi sa among barangay nga namatay sa sakit nga pwede pa unta nga malikayan sulod sa usa ka tuig tungod kay ang Ginoo ra man ang magbu-ot kung kanus-a kita niya kuhaon ning kalibutana.

Dinhi sa among barangay adunay maduolan ug makunaan sa mga paagi alang sa pagplano sa pamilya pinaagi sa Hospital ug Health Center nga maoy makatabang sa mga magti-ayon pinaagi sa paghatag ug mga tablets ug pagtambag sa mga magti-ayon kon unsay angayan nga mga buhatun aron nga malikayan ang pagdaku sa mga populasyon sa matag pamilya. Basi sa among obserbasyon adunay mga pamilya nga naggamit ug mga paagi alang sa pagplano sa pamilya sama sa pagtumar ug mga tabletas, paggamit ug rhytem ug uban pang mga panagang aron nga malikayan ang pagkambdos sa mga asawa tungod kay lisod na ang panginabuhian karong panahona apan adunay mga magti-ayon nga wala migamit sa mga paagi alang sa pagplano sa pamilya tungod kay ang ilang mga Bana dili sila nagkasinabot ug naa poy ubang asawa nga dili mo-uyon ang ilang panglawas sa mga gipangtumar nga tabletas.

      Dinhi sa among barangay adunay 31 ka mga inahan nga nag inusaranga nag-atiman sa iyang mga anak tungod kay namatay ang ilang mga kaparis sa kinabuhi ug adunay 8 ka mga inahan nga nag-inusara usab tungod kay gibiyaan sa ilang mga eresponsable nga mga bana. Adunay nag inusara nga inahan nga natabangan sa gobyerno depende sa ilang mga pnginahanglanon ug ang uban kasagaran gayud maoy namingkamot alang sa pagbuhi sa iyang pamilya.

C. Water and Sanitation

            Dinhi sa among barangay hadool ra ang kakuhaan ug tubig nga ilimnon sa matag adlawtungod kay hadool ra kini sa mga panimalay sa matag Purok ug kini nasiguro nga limpyo tungod kay gisusi na kini sa ahesiya sa Health and Sanitation. Aduna usab kami’y mga tubig alang sa pagpanglaba nga pagakuhaon sa may atabay nga haduol ra gihapon sa mga panimalay. Adunay 20 – 25 ka panimalay dinhi sa among barangay nga nagaamit usab ug pusit pero ang kasagaran kon ang kinabag-an gayud nagamit sa mga puso.

      Kasagaran sa mga panimalay dinhi sa among barangay walay kaugalingon nga kasilyas, adunay 177 ka panimalay nga adunay kaugalingon nga water saeleld toilets ug ang barangay officials aduna nay natukod nga 4 ka Communal Toilets nga aduna pod kini’y tapad nga puso aron sayon ang paghinlo niini.

      Kasagaran sa mga lumolopyo dinhi sa among barangay naglabay sa ilang mga basura/hugaw sa mga basurahan nga gi-apod-apod daplin sa mga kalsada/kadalanan tungod kay adunay mga basurero nga mo kolekta niini apan ang uban nga mga katawhan molabay gihapon sa daplin sa kabaybayonan ug ang uban sa pantalan tungod kay usahay dili kuhaon sa mga basurero. Adunay uban nga diliusab maabtan sa mga basurero tungod kay ang ilang panimalay halayo sa sentrong bahin sa barangay ug ang ilang mga sagbot ilaha nalang nga ilabay sa baybayon ug ang uban sunogon ang uban usab ilabay sa mga kanal nga maoy hinungdan nga mabara ang kanal ug tungod niini sa panahon sa ting-ulan magpundo ang tubig sa mga tungkaran sa mga panimalay nga duol sa mga kanal ug malapawan usab ang mga atabay.

D. Clothing

            Basi sa survey ug sa amoa usab nga na obserbahan wala nay panimalay nga ang mga miembro niini walay tulo ka parisan nga mga bisti alang sa panglakaw ug alng usab sa pambalay tungod kay adunay mga religous organization nga nagahatag ug mga hinabang ug mga bisti sa mga kabus nga nag puyo dinhi sa among barangay.

Security Needs

E. Shelter

            Basi sa survey ug sa among obserbasyon adunay mga panimalay dili na gayud molahutay sa lima ka tuig tungkod kay mga gabuk na ang mga gipangdapat nga mga materials niini apan kini dependi ra usab mga tagtungod kon ilaha ba nga ayuhon ang ilang mga pinoy-anan.

F. Peace and Order/Public safety

            Kalooy sa Ginoo walay miembro sa panimalay nga lumad nga nagpuyo dinhi sa among barangay nga nabiktima sa krimin sama sa rape, tulis apan adunay among tagibarangay nga usa ka sundalo nga namatay tungod sa guira sa Kauswagan ug adunay mga nahitabo dinhi sa among barangay nga ang among mga katagi barangay nangapriso tungod sa kahakug sa ma empluwensiya nga tawo nga hakug sa bahandi sa kainaiyahan ug giilog ang among katunggan dinhi sa barangay.

G. Income and Employment

            Dinhi sa among barangay kasagaran gayud ang mga pangulo sa pamilya ang naningkamot alang sa pagpangita ug panginabuhian, adunay pipila nga mga trabahanti sa gobyerno, panday, nagtrabajo sa construction, driver ug mga truckapan ang kasagaran gayud nga mga pangita mao ang pagdrive ug tricycle, pagpangisda ug pagpanginhas sa kadagatan. Adunay pipila usab ka mga amahan nga wala usab nagtrabaho tungod sa katigulangon ug gibuhi nalang sa ilang mga anak ug aduna usay mga amahan nga walay trabaho tungod sa katapulan. Ug basi usab sa sitwasyon karong panahona kasagaran usab sa mga kababayen-an kon mga asawa ming-abag alang sa pagpangita ug panginabuhian alang sa ilang mga pamilya. Ug adunay mga ginikanan ug aduna may trabaho.

            Adunay mga miembro sa pamilya dinhi sa among barangay nga ang ilang mga anak nga lalaki ug babaye nga nagpangidaron ug 18 anyos pataas nga nagtrabaho aron nga makatabang sa kalisod sa ilang mga guinikanan ug adunay mga nageskwela usab sa koleheyo.

            Adunay pipila ka mga pamilya dinhi sa among barangay nga ang ilang mga kita molabaw pa ra ilang mga pnginahanglanon apan ang kasagaran gayud igo ra sa mga panginahanglanon ug kasagaran usab kulang ra sa ilang mga panginahanglanon sa matag adlaw tingod kay dili nato malikayan ang dagan sa panahon nga adunay daghang mga panginahanglanon sa sa tambal ug uban pa. Daghan usab sa atong mga kaigsoonan nga nahuman na sa ilang pagtuon nga wala makasulod ug trabajo tungd kay ang panggobyerno karon namatud-an nga palakasan system.

Enabling Needs

H. Basic Education and Literacy

            Dinhi sa among barangay kasagaran sa mga miembro sa panimalay nga nag-edad ug 3 – 6 anyos pataas nag-eskwela gayud sa Day Care of Kender garten ug gibanabana kini ng adunay 60 ka mga pre-scholers tungod adunay 2 ka Day Care Center, and usa adunay 25 pataas ka mga pre scholers ug ang ikaduha adunay 20 pataas ka mga pre-scholers ug adunay nag-eskwela sa mga private pre-scholers schools. Adunay pipila usab nga wala pa ming eskwela tungod sa kalinghud pa sa pangidaron ug dili pa pud gusto sa bata tungod sa kalinghud sa panghunana. Ang mga bata nag-edad ug 6 – 12 anyos kasagaran nag-eskwela gayud sa elementarya ug High School ug adunay pipila ka mga bata nga wala nagtungha tungod kay ming abag sa panagat sa ilang mga guinikanan ug sa uban pang mga rason sa ilang mga guinikanan. Adunay mga estudyante usab sa koleheyo pan daghan usab ang wala nag-eskwela ug nanarbaho nalang tungod kay mahal ang balayranan ug ang mga guinikanan dili maka afford sa bayranan ug uban pang mga requirements sa pagtuon.

            Kasagaran gayud sa mga kabatan-onan dinhi sa among barangay nga nagpangidaron ug 10 anyos pataas nga makahibalo gayud mo sulat ug mobasa tungod sa edukasyun apan adunay pipila nga dili makabalo tungod usab sa rason nga kulang sa maayong pangisip kon adonay deperensiya sa pangutok.

I. Peoples Participation

            Dinhi sa among barangay adunay daghang mga miembro sa mga pamilya nga ming-apil-apil sa mga kalihukan kon mga assoasyon sa syudad ug dinhi sa among barangay ilabina sa mga kalihukan sa simbahan, apan adunay pippila nga dili gayud mohatag ug panahon sa mga assosyon tungod kay gi-una ang pagpaningkamot alang sa paninabuhian tungod kay gi-una ang pagpaningkamot alang sa paninabuhian tungod sa kalisod sa panahon karon.

            Basi sa survey ang tanan gayud nga mga panimalay dinhi sa among barangay aduna gayo’y mga miembro sa pamilya nga makabotar sa panahon sa Local and National Elections.

J. Family Care/Psycho Social

            Walay mga miembro sa pamilya dinhi sa among barangay nga nag-edad ug 18 anyos paubos nga nagtrabaho sa delikadong klase sa trabaho (sama sa Club ug pagpamaligya sa dungog) ilabin sa mga kababayen-an.

            Ang mga kasagaran nga manghitabo dinhi sa among barangay mao ang pag-away away sa matag miembro sa pamilya kon Family Troubles, adunay bana mga mamun-og ug asawa, adunay mga ginagmay nga pagpangawat nga kaso nga napasang-at dinhi sa buhatan sa barangay.

            Basi sa survey ug sa among na-obserbahan walaynatali nga mga bata nga nagpangidaron ug 7 anyos pa-ubos nga gibiyaan kin gi abanduna sa ilang mga ginikanan.