Barangay Lumban

Part 1 – Profile/Description of the Barangay

A. Historical Background

            Ang pulong nga Lumban nagagikan sa pinulongan sa mga Subano nga nagkahulogan ug Kinhason. Aduna may goy Sapa nga kaniadto, adunay daghang kinhason nga ginganlan ug Lumban. Ug kining maong Kinhason ma-oy labing daghan sa maong sapa. Busa ang mga tawo nga Subano nga nagpuyo niining maong lugar, ilang gibuyagan ug Barrio Lumban, gumikan niining maong kinhason ug dinhi nagagikan ang ngalan nga Lumban.

            Ug kining maong sapa mitadlassa Barangay dapit sa centro nga na-ay parkingan sa motor cab, nagsanga ang dalan paingon sa Barangay Sto. Niño nga sa unang panahon ginganlan ug Bongabong Dako. Ang dalan sa wala pa paingon sa Barangay Catagan nga gihinganlan ag sa una ug Sitio Lumbia ug kining maong sapa mitipon sa Malubog River.

            Kaniadto and Barangay Lumban sitio pa sa Barangay Kauswagan nga ang patron mao si San Isidro Labrador. Ug niining tuig 1965 nagtukod ug Kapilya ang sitio Lumban ug ang patron mao si Nuestra Señora del Rosario.

Sa tuig1967, gihimong Barangay ang Lumban ug gitudlo nga Barangay Kapitan mao si Gregorio Banawan, kaning iyang paglingkod nidugay ug 15 ka tuig. Ug napulihan siya ni Mr. Agustin Opay sa tuig 1982. Ug sa dihang gitudlo siya nga Sangguniang Panlungsod, gipulihan napod siya Mr. Justino Manlangit niadtong 1989 hangtud sa tuig 1993 siya gihapon ang Barangay Kapitan. Sa tuig 1990 napulihan napod siya ni Mr. Agustin Opay taman sa tuig 1997 nga napili si Mr. Cristuto Cantona hangtud karung tuiga 2003.

B. Physiographic Profile

1. Location, Area and Access

            Ang Barangay Lumban gitaliwad-an sa Malubog River ug Bongabong River, sa amihan nga bahin, ag Barangay Bongabong, dapit sa habagatan kay ag Barangay Prenz, sa ibabaw mao ang Barangay Sto. Niño ug sa ubos nga bahin ag Barangay Kauswagan.

            Ang Barangay Lumban may gidak-on nga 257.0635 hectares. Dunay 5 ka kilometro ang gilay-on niining barangaya gikan sa centro sa syudad sa Tangub nga mu-konsumo ug mga 25 minutos nga dagan sa motorcycle with cab. Ug sa pagkakaron aduna nay daghang single motor nga modagan lamang ug 15 minutos paingon sa centro.

2. Climates and Rainfall

Ang Barangay Lumban dunay duha ka lumalabay nga klima, ag ting-init ug ang ting-ulan. Ang ting-init mutukar sa mga bulan sa Enero hangtod sa Abril samtang ang ting-ulan mutukar sa bulan sa Mayo hangtud sa bulan sa Disyembre.

3. Physical Topography

            Ang hulagway sa Barangay Lumban dili tanang dapit patag, adunay patag ug may pagkahanayhay ug dyutay nga bakilid. Kini 75% ang patag ug ang hanayhay 15% lamang ug ang bakilid adunay 10%.

C. Socio-Economic Profile

1. Population

Barangay Lumban

CY-2001

Source: Leonora Galario - Barangay Secretary

Bahin sa namuyo sa maong barangay adunay populasyon nga 549 sa tuig 2001, ang mga lalaki mikabat ug 276 ug ang mga babaye mikabat ug 273. Ug kini gilangkoban sa 104 ka bubong diin gibahin-bahin sa 6 ka Purok.

2. Age Distribution

Age Distribution

CY-2001

Source: Leonora Galario - Barangay Secretary

3. Civil Status Distribution

Civil Status Distribution

(18 yrs. & above)

CY-2001

 Source: Leonora Galario - Barangay Secretary

Bahin sa Civil Status Distribution kini adunay 61 ka mga lalki nga wala pa maminyo ug 35 ka mga babaye. Ang mga minyo mikabat sa 166 ka pamilya ug ang balo nga babaye mikabat sa 21 ug ang lalaki mikabat sa 2 ka buuk ang nagbulag sa asawa.

4. Dialect Spoken at home: Cebuano

            Kasagaran sa mga pinolongan nga gigamit sa mga lumulopyo mao ang Cebuano.

5.   Religion

Source: Leonora Galario - Barangay Secretary

Bahin sa Relihiyon sa maong Barangay, kini nagkalain-lain ug mikabat sa 6 ka relihiyon gumikan sa mga nagkalain-laing pagtuo. Ang Katoliko maoy kinadaghanan nga sakop.

Part II – Situational Analysis

Survival Needs

A. Food and Nutrition

            Ang sitwasyon sa kabataan nga bag-ong natawo mitimbang ug 8 lbs. Kabahin sa mga malnourished nga mga bata, 1% lamang. Bahin sa mga mabdos 90% ang nahatagan sa iodine supplement, ug 100% ang nahatagan ug vitamins ug kasagaran sa mga inahan nga nag-breastfeed.

B. Health

            Bahin sa mga ginikanan nga nanganak kini ubos sa tabang sa trained o hilot. Ang mga bata nga nag-edad ug 0-1. Kini normal ug nahatagan ug full immunization. Adunay 50% ang nahatagan sa ayuda sa mga personnel sa City Health ug Family Planning. Tanan nahatagan ug 2 doses of tetanus toxoid.

C. Water and Sanitation

            Bahin sa tubig sa maong Barangay, kasagaran sa pamilya adunay kaugalingon nga faucet kay aduna may linya sa tubig. Kadtong ubang pamilya nga layo ra sa tinubdan sa tubig adto sila mokuha sa tinubdan gayud, ug ang gilay-on mokabat ug tunga ka kilometro gikan sa ilang balay. Sa panahon nga sila magkuha sa tubig kini mokabat sa 25 minutos ang paglakaw.

            Kasagaran usabsa matag-pamilya adunay mga kasilyas nga water-sealed ug dyutay ra ang nagamit sa Antipolo.

Security Needs

D. Clothing

            Ang tanang lomolupyo sa barangay adunay igo-igo nga mga nagkalain-laing mga sapot, halos tanan.

E. Shelter

            Bahin sa pinuy-anan sa mga lumulopyo sa maong barangay 80% niini ang miabot sulod sa lima ka tuig ug 10% ang makaabot sa lima ka tuig ug 100% ang adunay kaugalingon nga pinuy-anan.

F. Peace and Order

            Bahin sa kahusay ug kalinaw sa maong barangay, kini adunay ginagmay nga kasamok ug ginagay nga kawat.

G. Income and Employment

            Bahin sa income sa lumolupyo sa maong barangay, kasagaran niini mag-uuma lamang ug pipila ra ang impleyado sa gobyerno. Adunay 20% ang nagtrabaho sa kalain-laing trabaho-an.

Enabling Needs

H. Basic Education and Literacy

Bahin sa sitwasyon sa kabataan nga nag-edad ug 3-5 years ang uban niini nag-eskwela sa Day Care. Adunay 22 ka buok nga mga bata nga nag-eskwela sa elementarya ug 25 sa High School. Aduna usab miembro sa pamilya nga dili makabasa ug makasulat.

I. People’s Particiaption

            Bahin sa lumolupyo sa barangay nga mu-partisipar panahon sa eleksyon aduna lamay 90% ang maka-botar ug 5% ang dili makabotar.

J. Family Care and Psycho-Social Needs

            Bahin sa mga kabataan nga nag-edad ug 18 anyos paubos walay nag-trabaho sa mga delikadong trabahu-an. Kasagaran sa mga pamilya mapinaggaon sa ilang banay ug walay mga pang-abuso sa pamilya. Wala poy nag-edad ug 7 paubos nga napasagdan sa ginikanan.