Barangay Kimat

Part I – Profile / Description of the Barangay

A. Historical Background

            Sa unang mga panahon, ang mga nagpuyo diini sa Barangay Kimat mao ang mga Subanon ug pipila lamang ka pamilya. Kining lugara usa pa ka lasang. Dagko ang mga kahoy ug daghan pa ang mga hayop nga ihalas. Ang mga Subanon nanginabuhi pinaagi sa pagpananum ug mga lagutmon ug pagpanakop ug mga ihalas. Nabuhi usab sila sa mga bungnang kahoy.

            Usa sa ilang giila nga dako-dako sa ilang tribo mao si Endanan ug ang iyang asawa usa ka Subanon. Milabay ang pila ka tuig nanganak ang maong magti-ayon ug usa ka mahimsog nga bata nga lalaki. Ang bata gihinganlan kini nila ug si Kimat nga nagpasabut ug kaisug, kaabtik ug kalantip sa pangisip. Si Kimat nahimong usa ka inila nga bata tungod sa iyang talagsa-ong kabuotan ug kaabtik nga modakop ug mga hayop nga anaa magpuyo sa lasang. Walay gikahadlukan bisan ang mga dagkong sawa iyang dakpon ug patyon.

            Nanglabay ang mga tuig girespeto si Kimat sa mga katawhan ug siya ang usa sa gihimo nga lider o Pangulo sa tibuok tribo.

            Nanglabay ang daghang mga tuig tigulang na si Kimat ug namatay kini. Ug ang iyang kamatayan gikagu-ol kaayo kini sa tibu-ok tribo.

            Human sa kamatayon ni Kimat, daghang mga tuig ang nanglabay ug miabot ang panahon nga ang tribo sa mga lumad nahimo nga usa ka barangay. Isip pasidungog ug handumanan sa namatay na inila, buotan ug maabtik nga pangulo ug aron nga dili nila kini siya hikalimtan, ang maong lugar nga pinuy-anan niini ilang gihinganlan ug Kimat.

B. Physiographic Profile

1. Location, Area and Access

            Ang barangay Kimat anaa mahimutang sa habagatang bahin sa siyudad. Ang sikbit nga barangay sa silangan mao ang Barangay Sto.Niño, ang dapit sa amihan mao ang Barangay Salimpuno, ang dapit sa habagatan mao ang Barangay Baluk ug ang dapit sa kasadpan mao ang lasang sa Mount Malindang.

            Kining maong barangay, adunay total land area nga 403.4729.8 hektarya. May gilay-on gikan sa siyudad nga 12 kilometers. Sa among pagbiyahi pa-ingon sa siyudad motor single ang among gisakyan mokabat kini sa 25 minutes pataas ang gidugayon sa pagbiyahi.

2. Climate and Rainfall

            Kabahin sa klima sa maong barangay, sa bulan sa Enero ngadto sa Abril mao kini ang bulan sa ting-init o ting-hungaw, sa bulan sa Mayo ug Hunyo kusog na ang ulan, bulan sa Hulyo ug Agusto subsob kaayo ang kusog nga ulan ug kusog nga hangin, sa bulan sa Septyembre ug Octubre dili na kaayo subsob ang ulan ug minus na usab ang kusog nga hangin, sa Nobyembre ug Disyembre mag-sugod na usab ang kainit, talagsa na nga muolan.

3. Physical Topography

            Bahin sa hulagway sa tibuok barangay Kimat, usa ka hanayhay ang karsada, gamay ra ang Patag, daghang bungtod ug dako ang parti sa bukid, adunay creek o sapa-sapa nga nag-ulang sa Purok-3 ug Purok-2, sa tiilan sa Malindang sakop sa Putok-1 ana-a mahimutang ang Demo Farm.

C. Socio-Economic Profile

1. Population

Barangay Kimat

Barangay Population 2001

                                    Source: Natividad B. Gingoyon, Brgy. Secretary

            Basi sa chart sa unahan, ang Barangay Kimat adunay lumolopyo nga mikabat sa 576 ka mga tawo. Kini adunay 284 ang lalaki ug adunay 292 ka buok ang mga babaye. Kini gilangkuban sa 98 ka bobong nga gibahin ngadto sa tulo ka Purok. Kining maong barangay walay Sitio.

2. Age Distribution

Barangay Kimat

Age Distribution 2001

Source:   Natividad B. Gingoyan

                Brgy. Secretary

            Atong makita sa chart, basi sa gidaghanon sa lumulopyo sa maong barangay ang 11-15 years mao ang kinadaghanan nakakuha sa 15% ang kadaghanon ug gisundan kini sa 0-5 yrs. old 14.75% ang kadaghanon ug ang nag-edad ug 6-10 ug 21-25 patas ang kadaghanong nakuha sa 13%, gisundan kini sa 16-20 yrs. old 12.75%, 26-30 yrs. old 12% ug ang 46-50 yrs. old 11.75% ug ang 56-60 yrs. old ang pinakagamay nga nakuha sa 2.5%

3. Civil Status Distribution

Civil Status Distribution 2001

18 years old and above

Source:   Natividad B. Gingoyan

                Brgy. Secretary

            Atong makita sa chart sa unahan nga daghan ang minyo kay sa ulitawo ug dalaga. Gisundan kini sa 14 ka mga balo, adunay 10 ka biyuda nga babaye ug 4 ka biyudo nga lalaki. Ang separated adunay 1 lamang ka babaye.

4. Dialect spoken at home

            Ang pinulongan nga gigamit sa panimalay Cebuano.

5. Religion

Source:   Natividad B. Gingoyan

                Brgy. Secretary

            Ang Barangay Kimat adunay 3 ka pundok sa relihiyon, adunay 1 ka bobong nga Kristuhanun, 1 ka bubong ang Iglesia sa Dios Espiritu Santo ug adunay 96 ka bubong nga Katoliko.

Part II – Situational Analysis

A. Food and Nutrition

Dinhi sa Barangay Kimat walay mga bata nga 0-6 nga mintimbang ug 25 kgs. adunay bata ang timbang linya sa moderate 12 ka buok, ang mintimbang sa mild adunay 20 ka buok.

Adunay mga inahan nga nagmabdos 3 ka buok, kini sila puro nagpasuso sa ilang kaugalingong gatas walay nagagamit ug mix feeding ug kini sila nakadawat ug iodine supply alang kanila.

B. Health

            Ang mga mabdos sa among barangay gigalam sa hilot. Ang mga inahan kasagaran diha ra sa ilang panimalay manganak. Ang mga bata nga nag-edad ug 0-1 year old nakadawat kini sila ug immunization, ang nag-edad ug 12-59 ka bulan nakadawat kini sila ug Vitamin A, ug ang mga inahan nga mabdos nakadawat sila ug kompleto nga 2 ka doses sa Tetanus Toxoid. Walay mga bata nga nag-antos sa sakit nga diarhea nga ubos sa 5 ka tuig.

C. Water Sanitation

            Sa among barangay ang tubig maoy dakong suliran tungod kay gamay ra o pipila lamang ka bubong ang ana-a magpuyo sa duol sa tinubdan sa tubig. Adunay nagagamit ug mga faucet nga sentro sa Purok 2, Upper Purok 3, Upper Purok 1 ug ang ubang mga katawhan nga nahisakop sa nagkalain-laing Purok 1, 2 ug 3 nga anaa sa layo o dili sentro sa barangay, adto magkuha sa spring ug ang nahumutangan niining maong tubig 1-2 kilometro ang gilay-on, bakilid ug daghan pang mga bato ang agi-anan.

            Gimatud-an sa mga DOH nga limpyo ang tubig nga among gigamit.

            Ang kasilyas sa among barangay 25% lamang ang water sealed ug 75% ang antipulo tungod kay walay tubig o kulang sa tubig nga i-flush kon water sealed ang gamiton.

D. Clothing

            Bahin sa panapot, ang katawhan sa Kimat 90% ang nagsul-ob ug maayong sapot ug adunay 10% nga minus ang kalidad sa bisti.

E. Shelter

            Ang katawhan sa Kimat 100% ang adunay kaugalingong pinuy-anan. Adunay 85% nga modunar ug dugay ang ilang balay, samtang 15% usab ang mga daan na ug balay ug adunay 5% usab na ang balay ug dili na kini moabot ug 5 ka tuig.

F. Peace and order

            Sa kahusay ug kalinaw, dili malikayan adunay ginagmayng kawat sama sa manok, saging ug uban pang panagbikil mahitungod sa mga hayop nga nakapildi sa tanum sa mga silingan.

G. Income and Employment

            Bahin sa income sa katawhan sa Kimat, ang kadaghanan niini mga mag-uuma. Ang uban niini nga mag-uuma ana-a sa gobyerno (Demo Farm).

H. Basic Education and Literacy

            Bahin sa sitwasyon sa mga Kabataan, tungod sa kalayo niini sa eskwelahan adunay nag-edad ug 3-5 years old nga wala sa Day Care, dili usab mabasihan ang edad sa eskwela sa Elementarya nga angay na sa High School ug ang ubang High School nga angay na sa Kolehiyo.

            Ang nag-eskwela sa Day Care 13 ang lalaki ug 8 ang babaye, sa elementarya adunay 51 ka lalaki ug 56 ang babaye, 107 ang tanan. Ang mga nangiskwela ug High School adunay 10 ka lalaki ug 19 ka babaye, 29 ang tanan ug ang mga nisulod ug Kolehiyo adunayt 1 ka lalaki ug 6 ka babaye, 7 tanan.

            Sa kahibalo sa lomolopyo, 10% ang dili makahibalo nga mobasa ug mosulat, 90% ang makahibalo nga mobasa ug musulat.

I. People’s Participation

            Bahin sa election, 99% ang mga botante nga mobotar ug 1% ang dili mobutar. Panahon sa assembliya ug mga kalingawan, 85% ang maka-participate ug 15% ang kasagaran nga dili maka-participate.