Barangay Profile

Barangay Isidro D. Tan

Part 1 – Profile/Description of the Barangay

A. Historical Background

            Ang ngalang Barangay Isidro D. Tan, nahimugso diha sa sabakan sa politikanhong kalihokan. Nahitabo kini sa panahon ni late Ex-governor Alfonso D. Tan sa iyang rehemin, nahimo ang pag-usab sa Dimalooc ngadto sa pagka-Isidro D. Tan. Ug sa sinugdan naglisod ang mga katawhan sa pagdawat niini, tungod kay malisod hakalimtan ang ngalan nga maoy namat-ag kahayag ug gikamatyan sa kanhing katigulangan. Apan sa pagpanlabay sa mga adlwa’ng malaay nakat-onan ra sa paghikalimot ang katawhan labina nga ang ngalan nga gipuli ngalan sa tawo nga gimahal sa kadaghanan, sa mga kabus nga mag-uum. Ug kon atong balikon paglantaw ang kagahapon nga diin ang Barangay Isidro D. Tan mao pa ang Dimalooc, may mga pangutana nga mopatigbabaw sa kaisipan sa katawhan kon ngano nga kining ngalana, ngalan sa unang netibo nga maoy nag-ugmad ning maong dapit. Human sa ikaduhang gubat sa kalibutan duha ka sitio ang nailhan sa tanan, sitio Kabangkalan ug sitio Dimalooc.

Apan sa pag-agi sa mga adlaw na-rehistro na ang Dimalooc ngadto sa pagka-barrio, tungod kay nahimo man ang eskwelahan nga mao ang Primary School. Ug niining panahona ang kapitan del barrio mao si late Lucio Sultan, ug gisundan ni late Recarte Mirabueno. Ug pag-abot sa tuig 1968 ning-puli si Mrs. Sofia L. Kardenas hangtud sa tuig 1988. Ug human sa pila ka tuig niyang pag-serbisyo, iyang gi-uban sa sakop sa konseho, iyang gi-umol ngadto sa kausaban. Ang dagway sa Isidro D. Tan karon lahi na kay sa kaniadto, pinaagi sa iyang katakos ang katawhan naghiusa sa tumong nga mulambo ang Isidro D. Tan. Pinaagi sa pagtuman sa mga programa sa Gobyerno ug pagpa-implementar sa palisiya ug sa mga proyekto ug sa mga aktibidad sa katawhan para sa kauswagan sa barangay, nga diin dako kaayo ug ikatampo sa kaugmaon sa nasud tang Pilipin-hun.

Ang R.A. #3590 ang maong balaud nga naghimo sa pagbansili sa ngalan nga Dimalooc sa Isidro D. Tan kaniadtung tuig 1982-1983.

Basketball court

Local Scenes

B. Physiographic Profile

1. Location, Area and Access

            Ang Barangay Isidro D. Tan nahimutang dapit sa amihang bahin sa mauswagong syudad sa Tangub, mga usa ka kilometro gikan sa kinapusoran niini, kasikbit sa Barangay Minsubong ug sa silanga sa silangan nga bahin, ug sa kasadpan nga bahin mao ang Barangay Manga, nanukad ang Dimalooc River nga nag-liko-liko padulong sa dagat sa Panguil Bay.

            Ang gidak-on sa maong barangay mikabat ug 329.89945 hectares diin ang agricultural area niining maong barangay mukabat sa 292.530995 hectares. Sumala sa residential area adunay 2.78271 hectares ug ang gilay-on gikan sa sentro sa Barangay Isidro D. Tan paingon sa syudad sa Tangub mga 1 ka kilometro ug kini daganon sa mga sakyanan sama sa jeep, motor cab, motor single mga isa ngadto sa duha ka minuto, ug sa tricycle kini daganon sa tulo ngadto sa 5 ka minuto.

2. Climates and Rainfall

Ang klima sa panahon sa Barangay Isidro D. Tan dili kaayo tokma sa yuta ning dapita. Kay panahon sa ting-ulan adunay dapit nga dili mabuhi ang tanum nga mais tungod sa tubig. Ug ang bulan sa ting-ulan mao ang bulan sa Mayo ngadto sa bulan sa Nobyembre ug ang bulan sa Disyembre maoy ting-tugnaw ubanan sa hangin nga mohuros gikan sa amihan nga bahin. Ug ang bulan sa ting-init magsugod sa bulan sa Enero paingon sa bulan sa Abril.

3. Physical Topography

            Ang hulagway sa Isidro kini atong makita nga halapad kaayo ang patag, gikan sa silangan nga bahin paingon sa kasadpan nga bahin, ug adunay bungtod nga makita kini gamay ra kasikbit sa Barangay Minsubong ug sa Santa Maria. Atong makita nga adunay 4 ka klasing karsada, una ang Tan Avenue road nga maoy ming pikas sa Purok 1 Kadasig, ug ang ika-duha mao ang City Street nga kini atong makita gikan sa Jeepney terminal paingon sa Barangay Manga ug ang ika-tulo mao ang national highway nga kini atong makita nga maoy ming cross sa City Street ug ang ika-upat mao ang barangay road nga mingtadlas gikan sa Purok 1 Kadasig paingon sa Purok 5 Pag-ibig ng Lahi nga kini ipatokma sa City Street kay sa pagkakaroon wala pa mahuman ug semento ang maong barangay road.

            Atong makita usab nga adunay 2 ka klaseng suba nga nasakup mao ang Dimalooc ug Migcanaway River nga maoy utlanan sa karsada. Atong makita usab nga adunay 7 ka purok nga nasakup ug ang dapit sa Purok 1 Kadasig mao ang sentro sa Barangay Isidro D. Tan nga diin atong makita ang mga public buildings sama sa Barangay Council Office, Barangay Hall, Elementary School Buildings ug sa duha ka chapel sa Romano Katoliko ug sa PIC Chapel ug makita usab ang office sa BWP sa Barangay Isidro D. Tan. Ang dapit sa Purok 2 Paraiso atong makita kasikbit sa Santa Maria gikan sa National Highway down to Tan Avenue road ug ang utlanan mao ang Dimalooc box culbert. Ang dapit sa Purok 3 Paglaum atong makita kasikbit sa Barangay Minsubong ug sa Silanga gikan sa Tan Avenue Road paingon taman sa fishpond area. Ang dapit sa Purok 4 Gugma atong makita kasikbit sa Upper Maloro ug ang dapit sa Purok 5 Pag-ibig ng Lahi atong makita sa dapit sa Sitio Kabangkalan nga kini gipikas sa City Street ug ang dapit sa Purok 6 Lahutay atong makita sa Kasikbit sa Barangay Manga ug sa Barangay 7 Polao, Tangub City ug ang dapit sa Purok 7 Kalipay kini kasikbit sa Jeepney terminal ug kini atong makita ang Imbudo sa maong Purok 7 ug adunay gagmay’ng bungtod nga atong makita daplin sa City Street.

            Ug ang kasagaran nga makita nga tanum mao ang lubi, saging ug ang mga klasing kahuy nga gitanum sa daplin sa karsada. Ug ingon man adunay atong makita nga gmelina arborea plantation dapit sa Purok 3 sudlonon nga bahin ug sa Purok 2 usab atong makita nga adunay plantation sa manga.

            Ug sa laktod nga pagka-istorya nga mga 5 ka tuig gikan karon ang Barangay Isidro D. Tan aduna nay dugang kausaban ug dugang kalambuan tungod kay ang maong Barangay Isidro D. Tan kini expansion man sa syudad sa Tangub.

Party time

Day care center

C. Socio-Economic Profile

1. Barangay Population

Barangay Idiro D. Tan
CY-1996

Source: Pacita C. Sabillo - Barangay Secretary

Atong makita dinhi nga sa tuig 1996 adunay gidaghanon nga 265 ka pamilya o bubong ug nag-langkob kini sa 738 ka mga lalake ug 813 niini ang gidaghanon sa mga babaye ug ming total kini ug 1,551 ka population sa tuig 1996. Ug sa maong gidaghanon apil na niini ang lumolopyo sa Sitio Kabangkalan.

Ug atong makita usab nga mas-daghan ang gidaghanon sa mga babaye kay sa mga lalake ug ang kasagaran niini ang mga kabatan-onan.

Ug basi sa maong gidaghanon atong makita nga adunay 75 nga labaw sa mga babaye ug ikomparar sa gidaghanon sa mga lalake, kini basi sa total population sa tuig 1996.

2. Age Distribution

Age Distribution
CY-2001

Source: Barangay Secretary Pacita C. Sabillo

            Atong makita dinhi nga sa tuig 1996 adunay 238 nga nag-edad ug 0 ngadto sa 5 ka tuig, 115 ang mga lalake ug 123 ka mga babaye. Ug adunay 203 sa nag-edad ug 6 ngadto sa 10 anyos, ug 111 niini ang mga lalake ug 92 niini ang mga babaye ug sa nag-edad ug 11-15 ming-total kini ug 192 ug 91 niini ang mga lalake ug 101 niini ang mga babaye.

3. Civil Status Distribution

Civil Status Distribution
(18 yrs. & above)
CY-1996

 Source: Barangay Secretary Pacita C. Sabillo

Atong makita dinhi nga sa tuig 1996 ang gidaghanon sa single ming-abut kini ug 1,047 ug 497 niini ang mga lalake ug 550 niini ang mga babaye. Sa mga minyo nga kasado adunay 221 ka paresan ug sa widow atong makita nga upat ang sa mga lalake sanglit adunay 27 usab ang sa mga babaye. Sa mga separated atong makita nga adunay 3 sa lalake ug adunay 2 sa mga babaye.

4. Dialect Spoken at home: Cebuano

            Ang kasagaran pinulongan sa katawhan sa Barangay Isidro D. Tan, atong madunggan nga lusay’ng binisaya.

5.   Religion

Part II – Situational Analysis

Survival Needs

A. Food and Nutrition

            Sumala sa  records nga makita sa tuig 1996, walay bagong natawo nga nag-timbang ug 2.5 kilograms. Ug hino-on sa nag-edad ug lima ka tuig nga malnourished adunay nakita  nga 24 ka mga bata. Ug adunay 136 or 23.45% nga kini normal nga bata ug 50 or 23.70% niini ang mild ug 23 or 10.90% ang moderate ug sa severe ug ingon man sa overweight adunay 1 or 0.47%.

            Ug sa mga buntis o inahan nga nagpasuso nakita nga adunay 58 ka mga inahan nga nahatagan ug iron o iodine supplements. Ug adunay 69 ka mga inahan nga nagpasuso sa ilang mga anak sulod sa upat ka bulan pataas.

B. Health

            Ug kasagaran sa mga inahan nga manganak kini adto sa hospital o sa clinica ug kini mga 68 ka mga inahan ug ang uban kini gipanabangan ug midwife ug sa nabansay’ng mananabang kay sa balay ra kini nanganak.

            Kabahin sa mga bata nga nagpanuigon ug 0-2 ka bulan ngadto sa isa ka tuig adunay 90 niini ang nabakunahan. Sa mga inahan nga nag-buntis adunay 98 ang nahatagan sa tetanus toxoid ug #3 ug 5 ka doses.

            Sa ubos sa 5 ka tuig nga panuigon adunay 23 niini ang nagkalibanga. Adunay 3 nga namatay nga angayan malikayan sulod sa usa ka tuig.

            Kabahin sa paagi sa pagplano sa pamilya, adunay 23 niiini ang naggamit ug mingduol sa angayan nga kaduolan.

C. Water and Sanitation

            Kabahin sa tubig nga imnonon, ang kasagaran nga gigamit mao ang tubig gikan sa faucet ug ang ubang lumolupyo adunay gilay-on sa tubig nga maoy pagakuhaan ug imnon mga 100 ka metros ug kini safety ang maong tubig.

            Ang kabahin sa kasilyas adunay 99% nga ang gigamit mao ang toilet bowl or water sealed bowls.

            Kabahin sa paglabay sa basura adunay 85% niini ang nagbangag o compost pit ug ang uban kini dauban ang sagbot nga angayan nga sunogon.

            Ang kabahin sa paglabay sa ginamit nga tubig adunay 90% niini nga gipaagi sa blind drainage.

Security Needs

D. Clothing

            Ug ang kabahin sa besti adunay 3 ngadto sa lima ka pararesan nga pangsu-ot sa pangsulod ug panggawas nga biste.

E. Shelter

            Kabahin sa mga balay kini gipanag-iya ug kini mohangtud gayod sa 5 ka-tuig pataas, ug atong makita nga adunay 35 niini ka balay nga konkreto ug 48 niini ang semi-konkreto ug 165 ang nanggamit ug galvanized iron ug tabla ug adunay 25 niini ang naggamit ug nipa ug kawayan.

F. Peace and Order

            Bahin sa kahusay ug kalinaw sa tuig 1996 adunay 2 ka pamilya nga nabiktima sa pagtulis. Walay dinagko nga krimen nga nahitabo.

            Ang kabahin sa kalamidad adunay nabiktima sa pagbaha mga 3 o 5 ka pamilya nga nabiktima.

            Walay nabiktima sa mga kagubot sama sa gera-gera.

G. Income and Employment

            Atong makita nga sa tuig 1996 adunay 38 ka pangulo sa pamilya nga nanarbahoan sa gobyerno ug adunay 40 nga sakup sa pamilya nga nanarbahu usab. Ug ang kasagaran sa ubang pangulo kini panday ug pag-uuma. Ang uban kini adunay negosyo o self-employment.

            Sumala sa kinataan sa pamilya ubos ra kay sa mga galastohan.

Isidro D. Tan Elementary School

Catholic Chapel

Enabling Needs

H. Basic Education and Literacy

Ang kabahin sa nagtungha ug Day Care o kindergarten adunay 80 niini ka mga bata nga nag-edad ug 3-6. Ug sa nagtungha sa elementarya adunay 79 ka mga bata nga nagtungha kini nag-edad ug 6-12 anyos. Ug sa nagtungha ug high school adunay 85 ka mga bata nga nagtungha.

Kasagaran sa sulod sa panimalay makahibalo nga mu-sulat ug makabasa ug makahimo sa simple arithmetic.

I. People’s Participation

            Ang kasagarang lumolupyo sa barangay mo-apil sa mga kalihokan sa komunidad ug sa kada-pamilya adunay makabotar panahon sa eleksyon.

J. Family Care and Psychosocial Needs

            Ang tanang lumolupyo sa barangay sa walay nagtrabaho sa mga delikado trabaho, ilabina sa nag edad ug 18 anyos paubos. Kabahin sa kagubot nga nahitabo sulod sa panimalay adunay isa ka pamilya nga nahitabu-an. Walay napasagdan nga mga kabataan nga nag edad ug pito ka tuig.